طالبانو د "عمري" په نامه د افغان حکومت پر ضد د نویو بریدونو اعلان وکړ، خو افغان حکومت دا د خپل دښمن سیاسي او پوځي تبلیغات بولي.
د سیاسي چارو ځیني شننونکي په دې باور دي، چې شاید د طالبانو د نوي اعلان سره په افغانستان کې د هغوی بریدونه هم زیات شي. ناټو او ملګري ملتونه وايي د طالبانو په بریدونو او جنګونو کې تېرکال څه باندې پنځه زره افغان امنیتي ځواکونه او ۳۰۰۰ ولسي خلک ووژل شول.
د پوځي چارو کارپوه نیک محمد کابلی وايي، شاید دا وارې د طالبانو ډېر پام د ځایونو او سیمو د نیولو پر ځای په پراکنده بریدونو او چاودنو ورټول وي.
ښاغلي کابلي د امریکا غږ خبریال جعفر هاند سره په مرکه کې وویل که افغان حکومت غواړي چې د طالبانو د بریدونو مخه ونیسي، باید د خپلو کشفي او اطلاعاتي ارګانونو په مرسته د هغوی نوي تکتیکونه پېدا کړي.
Your browser doesn’t support HTML5
د طالبانو د بریدونو د نوي اعلان په اړه، د پوځي چارو د کارپوه نیک محمد کابلي مرکه واورئ: