د امریکا دوه سناتورانو د افغان ولسمشر محمد اشرف غني سره لیدلي دی.
د ارګ د ټویټر په اساس د امریکا د سنا غړیو هر یو سناتور چک ریډ او سناتور شاهین د شنبې په ورځ د ولسمشر غني سره ولیدل او د سولې په روان بهیر، د دولتي اصلاحاتو راروانو انتخاباتو په شمول ګڼو مسایلو یې سره خبرې وکړې.
د افغانستان په سفر تللو امریکايي سناتورانو د افغانستان د راتلونکو انتخاباتو لپاره د امریکا د ملاتړ ژمنه تکرار کړې او د سولې د یو داسې بهیر د ملاتړ ژمنه یې هم کړی ده چې افغانان پکې د خپل برخلیک اختیار ولري او د افغان مېرمنو حقوق پکې خوندي وي.
President @ashrafghani met with U.S. senators @DougJones, @SenJackReed and @SenatorShaheen at Arg today, and discussed a range of subjects including presidential elections, the peace process and government reforms. pic.twitter.com/VlsdUhgtzO
— ارگ (@ARG_AFG) April 13, 2019
ولسمشرۍ ماڼۍ وايي، چې ښاغلي غني د راغلو مېلمنو د راتګ او ژمنو مننه وکړه او د امریکا او د افغانستان ترمنځ د دوامدارې همکارۍ لپاره ېې د امریکا د ولس نه هم مننه وکړه.
امریکايي سناتوران پر داسې مهال کابل ته سفر کوي چې د افغان سولې په اړه امریکا او افغان حکومت تر بل هر وخت هڅې تېزي کړي دي.