TV Schedule

د ژوند په امریکا کې ددې اونۍ په خپرونه کې د داسې یو افغان کیسه اورو چې درې کاله وړاندې امریکا ته راغلی او اوس د غاښونو په یو کلینیک کې کار کوي. ډاکټر حمید الله شکور وايي هڅه کوي خپل د طبابت اسناد د امریکا له اړینو معیارونو سره سم کړي. هغه په امریکا کې د مسلک د دوام په اړه غږېدلی.

د ۳۰ دقیقو په خپرونه کې د افغانستان دپاره د امریکا د مرستو د احتمالي بندیدو په عواقبو بحث شوی. تر څنګ یې د کونړ ولایت په سرکاڼو او دانګام ولسوالیو باندې د پاکستان له خوا د لسګونو راکټونو د ویشتلو او په پاکستان کې د بد امنۍ په اړه د سیاسي شنونکو نظر اخیستل شوی.

د حایل په خپرونه کې په امریکا کې د ولسمشر په توګه واک ته د ډونالډ ټرمپ د بیا رسېدو او د افغانستان په اړه د واشنګټن د راتلونکي ممکنه دریځ په اړه بحث شوی دی.

د اسلامي همکاریو سازمان په اسلامي هیوادونو کې د نجونو د زده کړو په اړه غونډه کوي. دا غونډه په پاکستان کې کیږي. افغانستان ددغه سازمان یوازینی غړی هیواد دی چې پکې له شپږم ټولګي پورته نجونې له زده کړو منع دي. د سپینې خبرې په خپرونه کې په دې موضوع بحث کیږي.

د نن او وضعیت په خپرونه کې په بریتانیا کې له افغانستان سره د کرکټ د نه کولو په غوښتنو، ددې کار په عوامول او په اړه یې د کرکټ د نړیوالې شورا په دریځ بحث شوی دی.

ستاسې غږ خپرونه کې د امریکا غږ د اشنا رادیو اوریدونکي په مستقیمه توګه له مونږ سره اړیکه نیسي او د خپرونې د چلوونکو او اوریدونکو سره خپل نظر، اندیښنې او شکایتونه شریکوي. دا خپرونه په ژوندۍ بڼه د افغانستان په وخت د شپې د ۹:۳۰ تر ۱۰:۳۰ بجو پورې خپریږي. د تماس شمیره: ۰۰۱۲۰۲۹۸۰۶۸۲۰

د ادبي ژانرونو معرفي، تاریخ، تیورۍ او کره کتنه؛ د ادبیاتو په هکله ستاسې پوښتنې او د کوربه ځوابونه، دغه راز، شعرونه او دکلمې، د نومیالي شاعر او ادیب عبدالباري جهاني په کوربه توب، "د ادبیاتو نړۍ" په خپرونه کې.