TV Schedule

ددې اونۍ د "ژوند په امریکا کې" خپرونه کې فردرکسبرګ ښار ته ځو، چېرته چې افغانانو یو نوی اسلامي مرکز جوړ کړی دی. دا مرکز نه یوازې د پنځه وخته لمونځ لپاره دی، بلکې د روزنیزو او ټولنیزو فعالیتونو لپاره هم ځانګړی ځای دی. په خپرونه کې به د دې مرکز له بنسټګرو سره خبرې وکړو.

ملګري ملتونه وايي افغانستان د بشري کړکیچ له پلوه په نړۍ کې تر سوډان وروسته دویم هیواد دی. د دېرش دقیقو په خپرونه کې د ملګرو ملتونو د امنیت شورا د غونډې، له افغانستان څخه د امریکا د وتلو په اړه د متحدو ایالتونو په کانګرس کې د استماعیه غونډې او په افغانستان کې د ترهګرو ډلو د حضور په اړه بحث کتلای شئ.

د حایل په خپرونه کې په افغانستان کې د واکمنو طالبانو د مشرتابه ترمنخ د ممکنه مخالفتونو په اړه بحث شوی دی.

په ملګرو ملتونو کې د روسیې دایمي استازي د امنیت شورا ته ویلي چې په افغانستان کې میشتې تروریستي ډلې په دوامدار ډول له بهر څخه مالي ملاتړ ترلاسه کوي او په خپلو لیکو کې د وسله والو د جذبولو لپاره ټولنیزې رسنۍ کاروي. د سپینې خبرې په خپرونه کې په دې موضوع بحث شوی.

د بې پولې خبریالانو سازمان وایي، افغانستان د رسنیو د ازادۍ له پلوه د نړۍ په ۱۸۰ هېوادونو کې په لسګونو درجې ټیټ شوی. دا سازمان زیاتوي چې طالبانو د خبریالانو په ځانګړې توګه د ښځینه خبریالانو د خوندیتوب د "مرګ زنګ" غږولی دی.

ستاسې غږ خپرونه کې د امریکا غږ د اشنا رادیو اوریدونکي په مستقیمه توګه له مونږ سره اړیکه نیسي او د خپرونې د چلوونکو او اوریدونکو سره خپل نظر، اندیښنې او شکایتونه شریکوي. دا خپرونه په ژوندۍ بڼه د افغانستان په وخت د شپې د ۹:۳۰ تر ۱۰:۳۰ بجو پورې خپریږي. د تماس شمیره: ۰۰۱۲۰۲۹۸۰۶۸۲۰

د ادبي ژانرونو معرفي، تاریخ، تیورۍ او کره کتنه؛ د ادبیاتو په هکله ستاسې پوښتنې او د کوربه ځوابونه، دغه راز، شعرونه او دکلمې، د نومیالي شاعر او ادیب عبدالباري جهاني په کوربه توب، "د ادبیاتو نړۍ" په خپرونه کې.