TV Schedule

د اتصال د نن یکشنبې په خپرونه کې د افغانستان د ښځو پر وړاندې د روانو محدودیتونو او د نړیوالې ټولنې د اندیښنو په اړه د افغانستان میرمنو سره د اسپانوي چارواکو د لیدنې او ژمنو په موضوع د دوه میلمنو سره بحث شوی او د خپرونې په دویمه نیمایی کې یوه سپورتي مرکه هم خپریږي.

د امریکاغږ اشنا نن یکشنبې په خپرونه کې په افغانستان کې د ملګروملتونو د بندیزونو د څار ډلې ماموریت غځیدلو، د سوریې نویو واکمنانو سره د امریکا د اړیکو، او په امریکا کې د اقتصادي پرمختګ په اړه راپورونه ګورئ.

د طالبانو حکومت د ملګرو ملتونو د بندیزونو د څار ډلې د ماموریت د مودې غځېدو په اړه ویلي چې دا کار به اغیزناک نه وي. د ملګرو ملتونو دا ډله په طالبانو او نورو هغو ډلو باندې چې د افغانستان سولې، ثبات او امنیت ته ګواښ ګڼل کېږي، بندیزونه څاري. دا چې ددې ماموریت دوام به طالبانو ته څّه پایلې ولري، نن په همدې موضوع د سپینې خبري په خپرونه کې بحث کوو.

ستاسې غږ خپرونه کې د امریکا غږ د اشنا رادیو اوریدونکي په مستقیمه توګه له مونږ سره اړیکه نیسي او د خپرونې د چلوونکو او اوریدونکو سره خپل نظر، اندیښنې او شکایتونه شریکوي. دا خپرونه په ژوندۍ بڼه د افغانستان په وخت د شپې د ۹:۳۰ تر ۱۰:۳۰ بجو پورې خپریږي. د تماس شمیره: ۰۰۱۲۰۲۹۸۰۶۸۲۰