TV Schedule

د دې اونۍ خپرونه کې، موږ به د ډاکټر حمید الله شکور کیسه واورو، یو افغان ډاکټر چې درې کاله وړاندې امریکې ته راغلی. هغه اوس مهال غاښونو په یوه کلینیک کې د همکار په توګه کار کوي او هڅه کوي خپل د طبابت اسناد د امریکا له اړینو معیارونو سره سم کړي. په دې خپرونه کې هڅه مو کړې پوه شو چې مسلکي خلک څنګه په امریکا کې خپل مسلک ته دوام ورکوي او له کومو ننګونو سره مخ کېږي.

د ولسمشر جوبایډن کاري دورې پای ته رسېدو وروسته به د افغانستان په وړاندې د امریکا د نوي حکومت ستراتیژیک لومړیتوبونه څه وي؟ د دېرش دقیقو په خپرونه کې د ترهګرۍ پروړاندې مبارزې، بشري مرستو او د سېمې هیوادونو سره د امریکا د نوي حکومت پر اړیکو بحث کیږي.

د امریکا تلونکي ولسمشر جوبایډن په افغانستان کې د جګړې پای ته رسول خپله ستره لاسته راوړنه ګڼلې ده. د حایل په خپرونه کې د افغانستان په اړه د امریکا د نوي حکومت د ممکنه تګلارې په اړه بحث شوی دی.

د ټرمپ په مشرۍ د امریکا د نوي حکومت د کار د پیل په درشل کې د سپینې ماڼۍ د ملي امنیت شورا سلاکار جان کربي ویلي پاکستان هېڅکله د امریکا متحد نه دی پاتې شوی او د دواړو هېوادونو ترمنځ د اتحاد تړون هم نشته. د سپینې خبرې په خپرونه کې پر دې بحث کیږي چې په سیمه کې به د امریکا د نوي حکومت متحدین څوک وي.

د نن او وضعیت په خپرونه کې د افغانستان د کرکټ ملي لوبډلې سره د لوبو د لغوه کولو د غوښتنو پر ضد په لندن کې په جوړې شوې مظاهرې بحث شوی چې ګډون کوونکو یې له نړیوالو لوبو څخه د افغانستان محرومول د کرکټ د مینه والو افغانانو له بشري حقونو څخه سرغړونه بللې ده.

ستاسې غږ خپرونه کې د امریکا غږ د اشنا رادیو اوریدونکي په مستقیمه توګه له مونږ سره اړیکه نیسي او د خپرونې د چلوونکو او اوریدونکو سره خپل نظر، اندیښنې او شکایتونه شریکوي. دا خپرونه په ژوندۍ بڼه د افغانستان په وخت د شپې د ۹:۳۰ تر ۱۰:۳۰ بجو پورې خپریږي. د تماس شمیره: ۰۰۱۲۰۲۹۸۰۶۸۲۰

د ادبي ژانرونو معرفي، تاریخ، تیورۍ او کره کتنه؛ د ادبیاتو په هکله ستاسې پوښتنې او د کوربه ځوابونه، دغه راز، شعرونه او دکلمې، د نومیالي شاعر او ادیب عبدالباري جهاني په کوربه توب، "د ادبیاتو نړۍ" په خپرونه کې.