TV Schedule

دا اونۍ د "ژوند په امریکا کې" په خپرونه کې د افغان مسلکي سوک ‌وهونکي تابش فقيري کیسه اورو، چې د امریکا مسلکي سیالیو ته یې لاره موندلې ده. له تابش سره د خبرو ترڅنګ د هغه له کورنۍ، دوستانو او مینه‌ والو سره خبرې شوي چې د هغه د ملاتړ لپاره د هغه سیالۍ د کتلو لپاره راغلي وو.

د رواداري په نوم د بشري حقونو بنسټ وایي چې طالبانو په تیرو دریو کلونو کې د خپلې ایډیولوژۍ پر اساس د ښوونځیو او پوهنتونونو په درسي نصاب کې اساسي بدلونونه راوستي دي. د دېرش دقیقو په خپرونه کې د افغانستان او پاکستان د امنیتي وضعیت په اړه هم بحث کتلای شئ.

د حایل په خپرونه کې د اذربایجان په پلازمینه باکو کې د کوپ۲۹ کلنۍ غونډې په اړه بحث شوی دی. په دې غونډه کې د اقلیم د بدلون له کبله د اغیزمنو شویو بې وزلو هېوادونو سره د مرستې په لارو چارو غور کیږي.

د بغلان ولایت د نهرین په ولسوالۍ کې د ناپیژاندو وسله والو لخوا په یو جومات کې د ملکي کسانو تر وژل کېدو وروسته د امنیتي وضعیت په اړه د خلکو اندیښنې زیاتې شوې دي. د سپینې خبرې په خپرونه کې په افغانستان او پاکستان کې د ناامنیو په پیښو او علتونو یې بحث کتلای شئ.

د نن او وضعیت په دې پروګرام کې د اذربایجان په باکو کې د اقلیم په تړاو د کوپ ۲۹ غونډې په وروستۍ ورځ او د افغانستان په ګډون د اقلیمي بدلونونو څخه په زیانمنو شویو هیوادونو کې د اقلیمي بدلونو سره د مبارزې په څرنګوالي بحث کوو.   

ستاسې غږ خپرونه کې د امریکا غږ د اشنا رادیو اوریدونکي په مستقیمه توګه له مونږ سره اړیکه نیسي او د خپرونې د چلوونکو او اوریدونکو سره خپل نظر، اندیښنې او شکایتونه شریکوي. دا خپرونه په ژوندۍ بڼه د افغانستان په وخت د شپې د ۹:۳۰ تر ۱۰:۳۰ بجو پورې خپریږي. د تماس شمیره: ۰۰۱۲۰۲۹۸۰۶۸۲۰

د ادبي ژانرونو معرفي، تاریخ، تیورۍ او کره کتنه؛ د ادبیاتو په هکله ستاسې پوښتنې او د کوربه ځوابونه، دغه راز، شعرونه او دکلمې، د نومیالي شاعر او ادیب عبدالباري جهاني په کوربه توب، "د ادبیاتو نړۍ" په خپرونه کې.