TV Schedule

د اتصال د نن یکشنبې د خپرونې په لومړۍ برخه کې د نجونو د زده کړو په اړه د طالبانو د چارواکو د څرګندونو پر حقیقت پوهېدلو لپاره تحلیلونه وړاندې کوو. همداشان طالبانو د تقاعد په برخه کې یو نوی فرمان خپور کړی دی چې د دې فرمان له مخې، د جمهوري نظام مامورین د تقاعد اخیستو مستحق ګڼل شوې دي.

د امریکاغږ اشنا د یکشنبې په خپرونه کې به د انساني قاچاقبرانو د نیولو او نظامي محکمو کې محاکمه کولو په اړه د طالبانو د مشر فرمان جزییات، په امریکا کې د ټکنالوژۍ د ودې سره قانوني ستونزو ته د کتنې او په افغانستان کې د موسمي ناروغيو د زیاتیدلو په اړه راپورونه ګورئ.

د سپینې خبرې په خپرونه کې په افغانستان، سیمه او نړۍ کې د ورځنیو پیښو په اړه د نظر د خاوندانو او څیړونکو تاوده بحثونه تعقیب کړئ. دا خپرونه په ګډه په پښتو او دري ژبو هره شپه د افغانستان په وخت د ۸:۰۰ تر ۹:۰۰ پورې په رادیو اشنا او د امریکاغږ په سپوږمکۍ او ډیجیټلي خپرونو کې وړاندې کیږي.

ستاسې غږ خپرونه کې د امریکا غږ د اشنا رادیو اوریدونکي په مستقیمه توګه له مونږ سره اړیکه نیسي او د خپرونې د چلوونکو او اوریدونکو سره خپل نظر، اندیښنې او شکایتونه شریکوي. دا خپرونه په ژوندۍ بڼه د افغانستان په وخت د شپې د ۹:۳۰ تر ۱۰:۳۰ بجو پورې خپریږي. د تماس شمیره: ۰۰۱۲۰۲۹۸۰۶۸۲۰