TV Schedule

د ژوند په امریکا کې خپرونه کې له سلیم هوفیاني سره ځانګړې مرکه شوې چې د ویرجینیا ایالت د فیر فاکس ښار د پولیسو په اداره کې دنده ترسره کوي. ښاغلی سلیم د پولیس ځواک په چوکاټ کې خپلې دندې، تجربې، او ننګونو په اړه خبرې کوي او هغو کسانو ته مشورې وړاندې کوي چې غواړي په امریکا کې پولیس افسران شي.

د پوهنې د نړیوالې ورځې سره هم مهاله په افغانستان کې د ملګرو ملتونو د عمومي منشي ځانګړې استازې روزا اوتنبایوا غوښتنه کړې چې طالبان دې د نجونو پر زده کړه محدودیت سمدستي پای ته ورسوي او ټولو نجونو ته دې اجازه ورکړي چې ښوونځیو ته ولاړي شي. نور جزئیات د دیرش دقیقو په خپرونه کې وګورئ.

د حایل په خپرونه کې د ډونالډ ټرمپ په مشرۍ په امریکا کې د نوي حکومت د تګلارو او په سیمه او افغانستان باندې د ممکنه اغیزو په اړه د واشنګټن ملي دفاع پوهنتون د استاد علي احمد جلالي او د افغانستان د وسله والو ځواکونو پخواني لوی درستیز جنرال شیر محمد کریمي سره بحث شوی دی.

ملګرو ملتونو د پوهنې د نړیوالې ورځې سره هم مهاله، پر طالبانو غږ کړی چې سمدستي په ټولو نجونو د زده‌کړې بندیز لرې کړي. آیا طالبان به خپل دریځ بدل کړي؟ د سپينې خبرې په خپرونه کې په دې موضوع بحث کیږي.

د جرمونو د نړیوالې محکمې یو څارنوال په افغانستان کې د میرمنو په وړاندې د پراخ تبعیض له امله د طالبانو د مشر ملا هبت الله اخندازه او د طالبانو د قاضي القضات د نیولو د امر غوښتنه کړی خو طالبانو غبرګون ښودلی او ویلي یې دي چې دا ډول اقدامات د یادې محکمې اعتبار ته زیان رسوي.  

ستاسې غږ خپرونه کې د امریکا غږ د اشنا رادیو اوریدونکي په مستقیمه توګه له مونږ سره اړیکه نیسي او د خپرونې د چلوونکو او اوریدونکو سره خپل نظر، اندیښنې او شکایتونه شریکوي. دا خپرونه په ژوندۍ بڼه د افغانستان په وخت د شپې د ۹:۳۰ تر ۱۰:۳۰ بجو پورې خپریږي. د تماس شمیره: ۰۰۱۲۰۲۹۸۰۶۸۲۰

د ادبي ژانرونو معرفي، تاریخ، تیورۍ او کره کتنه؛ د ادبیاتو په هکله ستاسې پوښتنې او د کوربه ځوابونه، دغه راز، شعرونه او دکلمې، د نومیالي شاعر او ادیب عبدالباري جهاني په کوربه توب، "د ادبیاتو نړۍ" په خپرونه کې.