TV Schedule

دا اونۍ د "ژوند په امریکا کې" په خپرونه کې د افغان مسلکي سوک ‌وهونکي تابش فقيري کیسه اورو، چې د کابل له کوچنیو ورزشي مرکزونو څخه یې د امریکا مسلکي سیالیو ته لاره موندلې ده. موږ له تابش سره په تمریناتي مرکز کې یوځای شو، د هغه په زړه پورې سیالي مو له نږدې ولیدله، او له کورنۍ، دوستانو او مینه‌ والو سره مو خبرې وکړې چې د هغه د ملاتړ لپاره د سیالي د کتلو لپاره راغلي وو.

پاکستاني چارواکي وايي د افغانستان په سرحدي سیمو کې د "پاکستاني اتباعو امنیت ته د ګواښ" د خنثا کولو په خاطر د "ترهګرو" پر ضد یې بریدونه کړې دي. طالبانو ګواښ کړی چې دا بریدونه بې ځوابه نه پریږدي. د دېرش دقیقو په خپرونه کې د پاکستان د هوايي بریدونو د موضوع سربېره د افغانستان په لېرو پرتو سېمو او ولسوالیو کې د روغتیايي خدمتونو پر نشتوالي هم بحث شوی دی.

د حایل په خپرونه کې په نړۍ کې د افغانستان د سفارتونو او قنسلګریو د برخلیک او د طالبانو د حکومت د دریځ په اړه په هند کې د افغانستان د پخواني سفیر فرید ماموندزي او د سیاسي چارو د شنونکي ظریف ستانکزي سره بحث شوی دی.

د سپینې خبرې په خپرونه کې پر پکتیکا باندې د پاکستان د هوايي بریدونو وروسته د بیلابیلو غبرګونونو ترڅنګ په دې اړه بحث شوی چې ایا د طالبانو حکومت په راتلونکې کې ددې ډول بریدونو د مخنیوي توان لري؟

د افغانستان د خبریالانو مرکز په تازه راپور کې ویلي چې په ۲۰۲۴ کال کې د افغان خبریالانو او رسنیو ځپل لا سخت شوي او د تیر۲۰۲۳ کال په پرتله په کې اته فیصده زیاتوالی راغلی دی. په دې خپرونه کې په افغانستان کې په روغتیایي خدماتو، شته امکاناتو او د میرمنو پر طبي زده کړو د طالبانو په محدودیتونو بحث شوی.

ستاسې غږ خپرونه کې د امریکا غږ د اشنا رادیو اوریدونکي په مستقیمه توګه له مونږ سره اړیکه نیسي او د خپرونې د چلوونکو او اوریدونکو سره خپل نظر، اندیښنې او شکایتونه شریکوي. دا خپرونه په ژوندۍ بڼه د افغانستان په وخت د شپې د ۹:۳۰ تر ۱۰:۳۰ بجو پورې خپریږي. د تماس شمیره: ۰۰۱۲۰۲۹۸۰۶۸۲۰

د ادبي ژانرونو معرفي، تاریخ، تیورۍ او کره کتنه؛ د ادبیاتو په هکله ستاسې پوښتنې او د کوربه ځوابونه، دغه راز، شعرونه او دکلمې، د نومیالي شاعر او ادیب عبدالباري جهاني په کوربه توب، "د ادبیاتو نړۍ" په خپرونه کې.