TV Schedule

په ملګرو ملتونوکې د افغانستان د دایمي استازولۍ سرپرست نصیر احمد فایق د امریکا غږ سره په ځانګړې مرکه کې ویلي، د ملګرو ملتونو د اعتبار ورکولو کمېټې د دریم ځل لپاره طالبانو ته په ملګرو ملتونو کې د افغانستان د دایمي استازولۍ سپارل رد کړل. ښاغلی فایق وايي، تر هغې چې په افغانستان کې مشروع حکومت جوړ نشي، په ملګرو ملتونو کې د افغانستان د دایمي استازولۍ څوکۍ طالبانو ته نه ورکول کیږي.

په دې خپرونه کې د چارواکو، شنونکو او خلکو سره، مهمې کورنۍ او نړیوالې سیاسي، اقتصادي او ټولنیزې مسئلې څېړل کېږي. دغه نیم ساعته خپرونه له یکشنبې تر پنجشنبې، هر مازدیګر د کابل پر شپږنیمې بجې، په ژوندۍ بڼه خپرېږي.

د نن چهارشنبې پدې خپرونه کې د طالبانو د حکومت نه د ملګروملتونو په شمول، د نړۍوالو بنسټونو د غوښتنو، د جمهور رئیس بایډن لخوا د بخښنې وروستۍ پریکړې او افغانو نجونو ته د انټرنټي خدماتو له لارې د زده کړو باره کې راپورونه ګورئ.

د نن او وضعیت په خپرونه کې د افغانستان د ټولنیز او فرهنګي وضعیت ارزونه ددې خپرونې له میلمنو څخه اورئ. دغه خپرونه هره شپه د ٩:۳۰ تر ۱۰:۰۰ پورې په ژوندۍ بڼه ستاسې غږ د اشنا رادیو د څپو او د امریکا غږ د سپوږمکۍ او ډیجیټلي خپرونو له لارې خپروي. د تماس شمیره: ۰۰۱۲۰۲۹۸۰۶۸۲۰

ستاسې غږ خپرونه کې د امریکا غږ د اشنا رادیو اوریدونکي په مستقیمه توګه له مونږ سره اړیکه نیسي او د خپرونې د چلوونکو او اوریدونکو سره خپل نظر، اندیښنې او شکایتونه شریکوي. دا خپرونه په ژوندۍ بڼه د افغانستان په وخت د شپې د ۹:۳۰ تر ۱۰:۳۰ بجو پورې خپریږي. د تماس شمیره: ۰۰۱۲۰۲۹۸۰۶۸۲۰