TV Schedule

د افغانستان او نړۍ د تودو موضوعګانو په هکله د مسولینو، مقاماتو، کارپوهانو او څیړونکو سره ځانګړې مرکې هره چهارشنبه د ماښام ۶:۰۰ بجو څخه تر ۶:۳۰ بجو دقیقو پورې د امریکاغږ په سپوږمکۍ او ډیجیټلي خپرونو کې وګورئ او واورئ.

د اتصال په نننۍ خپرونه کې په افغانستان د داعش د فعالیتونو په اړه د امریکايي چارواکو په اندیښنو او د طالبانو په پرله پسې انکار او اطمنان باندې خبرې شوي، او د پروګرام په دویمه نیمایي کې پر یو شمیر کتابونو د طالبانو په نویومحدودیتونو بحث شوی.

د امریکاغږ اشنا، په نننۍ خپرونه کې د افغانستان سره د امریکا په نغدي مرستو، د پاناما کانال او ګرینلنډ د کنټرول په هڅو او د هند اټومي ځواک ترلاسه کولو لپاره د امریکا په همکارۍ راپورونه ګورئ.

په دې پروګرام کې په پاکستان کې د افغان کډوالو په وړاندې په رامنځ ته شويو مشکلاتو او د بلوچستان ایالت په پښتون میشتو سیمو کې د پښتونخوا ملي عوامي ګوند‌ په نوښت په شوې غونډه بحث کوو. په دې غونډه کې د پاکستان پر حکومت غږ شوی چې د ډیورنډ کرښې دواړو خواوو ته د پرتو ولسونو لپاره لارې خلاصې کړي.

ستاسې غږ خپرونه کې د امریکا غږ د اشنا رادیو اوریدونکي په مستقیمه توګه له مونږ سره اړیکه نیسي او د خپرونې د چلوونکو او اوریدونکو سره خپل نظر، اندیښنې او شکایتونه شریکوي. دا خپرونه په ژوندۍ بڼه د افغانستان په وخت د شپې د ۹:۳۰ تر ۱۰:۳۰ بجو پورې خپریږي. د تماس شمیره: ۰۰۱۲۰۲۹۸۰۶۸۲۰