TV Schedule

د افغانستان لپاره د روسیې استازي ویلي، چې مسکو غواړي د ۲۰۲۵ کال په پسرلي کې د روسیې او طالبانو دوه اړخیزه کاري ډله جوړه کړي. پداسې حال کې چې د امریکا منتحب ولسمشر ډونالډ ټرمپ د طالبانو تر واکمنۍ لاندې د افغانستان سره په مالي مرستو نیوکه کوي د روسې دا نږدي والي د څه لپاره دی؟ همدا شان په خپرونه کې امریکا ته په ځانګرو ویزو د افغانانو د لیږد د پروسې د تمدید په څرنګوالي هم لنډه کتنه شوې.

د امریکاغږ اشنا د پنجشنبې په خبري خپرونه کې، د پخواني ولسمشر جیمي کارتر د جنازې دولتي مراسم، د لاس انجلس په تاریخ کې تر ټولو ویجاړونکی اور، د بایبل موزیم کې د بامیانو نه راوړل شوی کتاب او نورو سیمه اییز او نړیوالو موضوعاتو په اړه راپورونه لیدلای شئ.

ټاکل شوېده د متحدو ایالتونو د پخواني ولسمشر جیمي کارتر د جنازې دولتي مراسم نن د واشنګټن په ملي کلیسا کې ترسره شي. جيمي کارتر په سیاسي ډګر کې امریکا ته څه په میراث پریښودل؟

د نن او وضعیت په خپرونه کې د افغانستان د ټولنیز او فرهنګي وضعیت ارزونه ددې خپرونې له میلمنو څخه اورئ. دغه خپرونه هره شپه د ٩:۳۰ تر ۱۰:۰۰ پورې په ژوندۍ بڼه ستاسې غږ د اشنا رادیو د څپو او د امریکا غږ د سپوږمکۍ او ډیجیټلي خپرونو له لارې خپروي. د تماس شمیره: ۰۰۱۲۰۲۹۸۰۶۸۲۰

ستاسې غږ خپرونه کې د امریکا غږ د اشنا رادیو اوریدونکي په مستقیمه توګه له مونږ سره اړیکه نیسي او د خپرونې د چلوونکو او اوریدونکو سره خپل نظر، اندیښنې او شکایتونه شریکوي. دا خپرونه په ژوندۍ بڼه د افغانستان په وخت د شپې د ۹:۳۰ تر ۱۰:۳۰ بجو پورې خپریږي. د تماس شمیره: ۰۰۱۲۰۲۹۸۰۶۸۲۰