په پکتیکا کې روغتیايي مسوولین وايي، د پولیو ضد واکسین په اړه په دې ولایت کې د نورو خلکو ترڅنګ د کوچیانو ذهنیت هم مثبت بدلون کړی او د پخوا په پرتله یې د روغتیايي ټیمونو سره همکاري زیاته شوې ده.
د خوست د عامې روغتيا رياست مسؤلين له خلکو غواړي چې په لويو لارو او کليو کې له ګمارل شويو صحي رضاکارانو سره د ماشومانو په واکسينولو کې مرسته وکړي.
چارواکي وايي چې یونیسف په دغو مرستو سره تر ۱۰ میلیون زیات ماشومان د ګوزڼ په ناروغۍ له اخته کیدو وژغوري.
په فراه ولایت کې مېرمني د پنځو کلونو ټیټ عمر لرونکو ماشومانو ته د پولیو واکسین رسولو غوښتنه کوي. دوی وایي، څرنگه چې اوس زیات شمیر کورنو ته د ماشومانو د ګوزن واکسین د مېرمنو لخوا وړل کیږي، نو مېرمني هم کولای شي چې خپل ماشومان د واکسین کولو لپاره ښځېنه واکسین کوونکو ته یوسي.
د افغانستان د عامې روغتیا وازرت چارواکي وایي، چې د کندهار ښار په منزل باغ سیمه کې یو ۱۸ میاشتینی ماشومام په پولیو یا د ماشومانو د ګوزڼ په ناروغۍ اخته شوی دی.
د کونړ ولایت له پنځلسو ولسوالیو له جملې څخه په لسو ولسوالیو کې د پولیو واکسین پر وړاندې خنډونه موجود دي چې له امله یې تر څلوېښت زره ډېر ماشومان له پولیو ضد واکسین محروم پاتې دي.
په کندهار کې روغتیايي چارواکې وايې چې دا ولایت د هیواد په کچه د پوليو د ویروس مرکزیت ګرځيدلی. دوی وایي چې په دې ولایت کې یې د پوليو وروستی پېښې په غبرګون کې د ګوزڼ ضد واکسین ځانګړی کمپاین کړی دی.
د خوست د عامې روغتيا رياست ويلي چې د ګوزڼ په وروستي کمپاين کې په دغه ولايت کې تر۴۰ زرو ډېر ماشومان د ګوزڼ ضد واکسين څخه محروم شوي دي. مسؤلينو يې لامل ناامني بللې ده.
د فراه اوسېدونکي له اړونده روغتیایي چارواکو څخه غواړي چې د پولیو واکسین په جدي توګه تطبیق کړي. دوی وایي دا چې اوس وسله والو طالبانو د پولیو واکسین تطبیق پر وړاندې له مخالفت څخه لاس اخېستی، اړینه ده چې اړوند چارواکي په لیرې پرتو سېمو کې ټولو ماشومانو ته د پولیو واکسین ورسوي.
په کندهار ښار او ۷ ولسوالیو کې د پوليو واکسین په تېر کمپاین کې ۸۷ سلنه تطبیق شوی، خو د دې ولایت په ٧ ولسوالیو او کندهار ښار کې ١١ فیصده ماشومان له واکسین پاتي وو.
د پکتیکا ولایت د عامې روغتیا ریاست اړوند د واکسین د برخې مسوولین وايي، د برمل ولسوالۍ له هغې ساحې څخه یې لیدنه کړې چېرته چې د پولیو دوه مثبت پېښې رامنځته شوې دي. دوی زیاتويي هېڅ ګرځنده روغتیايي ټیم دې سیمې ته نه دی تللی اوله همدې کبله دوه ماشومان د فلج په ناروغۍ اخته شوي دي.
د خوست په لويو لارو کې د ماشومانو د واکسين لپاره د صحي رضاکارانو ۵۷ ټيمونه پردندو ګمارل شوي.دوی به هغو شاوخوا ۳۰ زره ماشومانو ته د پولیو څاڅکي ورسوي چې تېره مياشت په کمپان کې له واکسين څخه محروم پاتې شوي وو. ويډيو: ابراهيم رحيمي- امريکاغږ
نور پورته کول
