د بلوچستان په پښتون میشته سیمه "سنځاوۍ" کې یو شمېر ملتپاله ځوانانو د "هنر ادبي کور" په نوم یو روزنیز مرکز پرانیستی دی. په دغه مرکز کې د لیک او لوست مينه وال کولای شي چې په وړيا توګه د پښتو ادبیاتو او لېکدود ترڅنګ یو شمېر نورو هنرونو هم زده کړي.
یو شمېر افغان نرښځیان وايي د طالبانو له وېرې کډوالۍ ته اړ شوي او اوس په پاکستان کې له ګڼو ستونزو سره مخ دي.
د پښتو ژبې د کتابونو د لوست او مطالعې د ترویج په موخه د بلوچستان د سنځاوۍ د لیري پرتې سیمې یو اوسیدونکي په خپل کور کې د ځوانانو لپاره یو کتابتون پرانیستی دی. په دغه ویډیو کې چې سالمین خپلواک را لیږلې، د سنځاوۍ سیمې ددغه ځوان د کتابتون چارې انځور شوي دي.
د هند د نساجۍ په صنعت کې د لرګیو څخه د جوړو شويو بیلابیلو ټاپو په واسطه د ټوکرانو ټاپه کول لا هم له ځانګړي شهرت څخه برخمن دی.
د پيښور عالي محکمې پرېکړه کړې چې افغان اتباعو ته واده شوي پاکستانۍ ښځې د افغانستان او پاکستان دوه ګونی تابعیت لری شي. محکمې دا پریکړه هم کړې، هغه ماشومان چې له دغه مېندو او پلرونو څخه زېږېدلي وي، تر ۲۱ کلنۍ پورې خپل دوه ګونی تابعیت ساتلې شي، خو له هغه وروسته به د یو هېواد تابعیت غوره کوي.
د چمن د لغړي اتحادیې مشر، غوث الله او د چمن یو شمېر ځایي اوسیدونکو امریکا غږ ته ویلي، چې پر ډیورنډ کرښه د افغانستان د تذکرې او د پاکستاني شناختې کارت پر مټ د چمن او سپین بولدک د ولسونو تګ راتګ پیل شوی دی.
د پېښور د بورډ په بازار کې ځايي خلک او افغان کډوال د دغو دوکاندارانو په لاس د جوړو شويو کاليو اخیستلو لپاره راځي. هټیوال وايي چې د وخت په تېرېدو سره اوس سوداګري تر ډېره په آنلاین بڼه شوې او دلته ډېر افغان هټیوال د ټولنیزو رسنیو له لارې د نړۍ په ګوټ ګوټ کې افغان لباسونه او جامې پلوري.
د لورلایي پوهنتون ۲۰ کلن محصل، آصف خان وایي د پوهنتون د فیس او نورو لګښتونو برابرولو لپاره خیاطي کوي. دی د پښتونخوا له ځوانانو غوښتنه کوي چې هیڅکله خپل همت له لاسه ورنه کړي او د هر ډول ستونزو باوجود خپلو زده کړو ته ادامه ورکړي. سالمین خپلواک پرې لنډ راپور چمتو کړی.
ویشاکا د هند په پلازمینې دهلي کې د جواهرلعل نهرو پوهنتون د پښتو پوهنخي محصله ده. وایي پښتو شعرونه او موسیقي یې ډیره خوښیږي او د یوټیوب په مرسته یې خپل تلفظ باندې ډیر کار کړی دی. ویشاکا دا مهال په پښتو ژبه کې ماسټري کوي او غواړي راتلونکي کې په کتابخانې کې کار وکړي. شلپي بترا - امریکاغږ
د پېښور يو اوسېدونکي د لومړي ځل لپاره دغه ښار کې تنوري پيزا معرفي کړی ده. دا ایټالوۍ ډوله پیزا په ځانګړي تنور کې د لرګیو په اور پخیږي. پيرودونکي یې وایي چې دغه رستورانت کې یو متر اوږده پیزا خورا مشهوره ده او د پاکستان له بیلابیلو ښارونو ورته خلک راځي. شاهین افریدی – امریکا غږ
د افغانستان د ګیلاسو او الوبالو جوس په لنډی کوتل کې خورا مشهور دی. د جوس جوړونکي وايي، هره ورځ د تورخم له لارې له افغانستان څخه تازه الوبالو راوړي. د دې جوس مينه وال د بیلابیلو سیمو څخه دلته د جوس څښلو لپاره راځي.
د کویټې بلېلي مهترزي کلي یو شمېر نجونه څنګلوري کلي ته د زده کړو په خاطر هره ورځ شاوخوا لس کلومیټره په پښو تګ راتګ کوي. د امریکا غږ خبریال، سالمین خپلواک د دغو نجونو له زده کړو سره پر لېوالتیا او په خپل کلي کې یې د ښوونځي د وضعیت په اړه راپور چمتو کړی.
نور پورته کول