د لاس رسي وړ اتصالات

په ناوې ولسوالۍ کې لسګونه وسله وال وژل شویدي


هلمند ولایت ته تازه دمي امنیتي ځواکونه ورغلي دي
هلمند ولایت ته تازه دمي امنیتي ځواکونه ورغلي دي

د هلمند امنیتي مقامات وايي چي د ناوې ولسوالۍ محاصره ماته شوې او هغه سل ګونه وسله وال برید کونکې يې پر شاه تمبولي چي د دې ولسوالۍ د سقوط لپاره يې تیره شپه ډله ییز بریدونه کړي وو .

چارواکي زیاته وي چي اوس په یاده ولسوالۍ کې پو د لټون عملیات دوام لري .

د ناوې ولسوال اغا محمد تکړه وايي چي سل ګونه وسله والو چي بهرني اتباع هم پکښې شامل وو د ولسوالۍ پر ودانۍ بریدونه وکړل چي د لږ وخت لپاره يې د ولسوال دفتر هم ونیوهخو د تازه دمو قواوو په رسیدو سره يې وسله وال د ولسوالۍ له مرکز څخه بیرته پر شاه کړه او درانه تلفات يې ور واړول .

د هلمند د والي ویاند عمرځواک امریکاغږ اشنا رادیو ته وويل چي په ناوې ولسوالۍ کې د هوايي بریدونو په ترځ کې ۵۴ تنه د دولت وسله وال مخالفین وژل شوي او ۲۶ تنه نور ټپي شوي .

ښاغلي ځواک د ۱۱ تنو افغان سرتیرو د ټپي کيدو تائید وکړ خو یوې بلي معتبري سرچیني اشنا رادیو ته د ۱۳ سرتیرو د وژل کیدو خبر هم تائید کړ .

بلخوا نن سهار د ناوې په څنګ لوري ګرمسیر ولسوالۍ کې هم د صفار او لکړۍ سیمي دوسلوالو تر سختو بریدونو لاندي وې چي امنيتي چارواکي وايي چي دا سیمي لاهم د دوی تر ولکې لاندي دي .

په هلمند کې د پوليسو د ۵۰۵ بست زون قومندان جنرال عبدالحیکم انګار وايي چي د یوه ستر پوځي قوت په مټ غواړي چي پر یوه وخت د لښکرګاه په ختیځ کي د عمومي لاري د خلاصون او د ښار په شمالي څنډو چاانجنیر او ځینو نورو سیمو کې څپونکې پوځي عملیات پيل کړي .

د کورنیو چارو وزارت ویاند صدیق صدیقي وايي چي هلمند کي پیاوړی نظامي قوت ځای پر ځای شوي چي د وروستيو پېښ شویو تهدیاتو د لمنځه وړلو عملیات په پيل کړي .

خو د ناوې ولسوالۍ د جګړې په لمړۍ کرښه جنګیدونکې افغان سرتیري بیاهم د اکمالیدو غوښتنه لري .

دوی زیاته وي چي که مهمات پروخت ور ورسیږي افغان ځواکونه کولای شي چي لوړ تهدیدات هم په اسانی لمنځه یوسي.

د لښکرګاه – کندهار لویه لار

د هلمند ولایتي مقامات وايي چي د لښکرګاه – کندهار د عمومي لاري پر سر د امنیتي پوستو د تحکیماتو بهیر پيل شوي او نظامي قواوي د نن سهار راهیسي پر دې لار له دفاعي حالت څخه یرغلیز حالت ته اوښتي خو دلاري پر سر د ښخ شویو ماینونو لمنځه وړل وخت ته اړتیا لري .

یاده لار نن د ۸ ورځي لپاره هم د عامو ترافیکو پر مخ تړلې وه .

بلخوا په افغانستان کي د ناټو د قاطع ماموریت ویاند ډګروال میکل لاهاورن وايي چي افغان ځواکونه په هلمند کې د حالاتو د کابو کولو ووړتیالري .

نوموړي په هلمند کې له افغان ځواکونو سره د هوايي ملاتړ په اړه زیاته کړې چي په تیرو ۲ اونیو کې يې په هلمند کې پنځويشت بریدونه ترسره کړي دي .

وسله والو طالبانو د ناوې ولسوالۍ د تیري شپې د جګړې په اړه کومه تبصره نده کړې .

XS
SM
MD
LG