د غزني پيښې وښودله چې د نړيوالواو سیمه ايزو فشارونو سره سره پاکستان لاهم په ښکاره توگه د افغانستان په چارو کې لاسوهنه کوي.
اوس پوښتنه داده چې:
آیا پاکستان به د افغانستان لپاره د سولې په بحث کې په پخواني موقف کې پاتې شي ، ملي، سیمه ايزه او نړيواله اجماع يې بايد په وړاندی څه ډول دریځ خپل کړي؟
څيړونکې او په قبايلي چارو کې د جمهور ريس سلا کار عبدالغفور ليوال امريکا غږ اشنا ته وويل:
کله چې د غزني په پيښه کې په پراخه پيمانه د پاکستان حضوراحساس شونولازمه ده دا خبره په نړيواله سطح راپورته شي چې همدا بیا د نړيوالې ټولنې له خوا پر پاکستان د سیاسي او اقتصادی فشار زياتولو داعيه کيدای شي.
«د غزني پیښې يو ځل بیا افغانانو کې دا شعور را ژوندی کړ چې پاکستان په افغانستان کې د مداخلی څخه لاس نه اخلي».
په قبايلي چارو کې د جمهور ريس سلا کار دا هم وويل پاکستان د افغانستان په مساله کې لازمه همکاري ونکړه، د غزني د پيښې نه ورورسته د پاکستان پوځ له جدي پوښتنو سره مخ دی.
پاکستان بايد دا پوښتنې ځواب کړي چې د غزني په پیښه کې وژل شوي کسان څوک وو، ولې او د څه لپاره په افغانستان کې جنگيدل؟
د ښاغلي عبدالغفور ليوال بشپړه مرکه دلته اوريدلای شئ:
