د ملګروملتونو عمومي منشي په دوحه کې د افغانستان د وضعیت په اړه د جوړیدونکي غونډې یو ورځ وړاندې یو ځل بیا په دغه هیواد کې د ښځو پر کار د طالبانو د محدودیتونو په لغوه کیدو ټینګار وکړ. آیا طالبان به د ملګرو ملتونو او د بشري حقونو د ملاتړو غوښتنو ته مثبت ځواب ووايي؟ د سپینې خبرې په خپرونه کې په افغانستان، سیمه او نړۍ کې د ورځنیو پیښو په اړه د نظر د خاوندانو او څیړونکو تاوده بحثونه تعقیب کړئ. دا خپرونه په ګډه په پښتو او دري ژبو هره شپه د افغانستان په وخت د ۸:۰۰ تر ۹:۰۰ پورې په رادیو اشنا او د امریکاغږ په سپوږمکۍ او ډیجیټلي خپرونو کې وړاندې کیږي.