د پاکستان په شمال غربي سیمه کي د افغانستان سرحد ته څېرمه، د بم په یوه حمله کي د پولیسو یو افسر وژل شوي او لږترلږه دوه نور ټپیان شوي دي.
پاکستاني مقامات وايي د پولیس افسرانو د جمعې په ورځ ناوخته د باجوړ په قبایلي سیمه کي گزمه کوله چي دا بم وچاود. مقامات وايي دا بم د ریموټ کنترول په ذریعه منفجر شو.
تر اوسه پوري هیچا ددې چاودني مسولیت په غاړه ندی اخېستی.
د پاکستان امنیتي قواوي د باجوړ په سیمه کي په هغو اسلامي افراطیانو پسې گرځي چي په کال ٢٠٠١ کي د طالبانو تر سقوط وروسته دغي منطقې ته وتښتېدل.