د لاس رسي وړ اتصالات

دهند پوځیانو له ځمکې نه هواته توغول کیدونکی توغندی ازمایښت کړیدی


دهند پوځی مقاماتوپه ختیځ ساحلی ایالت اوریساکې په هغه توغندې ازمایښت وکړ چې له ځمکی نه هواته توغول کیږی .

هندی ماموران وائې، دتری شول په نامه دلنډواټن توغندی نن دیکشنبی په ورځ دبالاسورښارگوټی ته نژدی دچاندیپورپه مرکز کې په سمندرکې امتحان شو.

دتری شول توغندی دهند یو له ډیرو ‏عصری توغندیونه دی چې پخپله په هندکې جوړشویدی .مقامات وائې، دادنهو کیلو متروپه واټن دپنځلسو کیلوگرامه داتمی کوپړۍ دانتقالولو قابلیت لری .

دغه توغندی داسی جوړشویدی چې پوځ، هوائې او سمندری قواوی ورنه کاراخیستلای شی .

پدی توغندی په هواکې هدفونه لکه الوتکې او هلیکپټرونه ویشتل کیدای شی او هم په سمندرگې کی لگیدای شی .

هند دنولسوه دری اتیایم ‏(‎ ١٩٨٣ ‏)‎ م کا ل نه راپدی خواپخپله توغندی جوړوی ، دا دهغه پروگرام یوه برخه ده چې هند غواړی دتوغندیو په ټکنالوجی کې پخپل ځان باندی متکی شی .

XS
SM
MD
LG