پاکستاني او افغان قواو نن بیا په سرحدی علاقه کی په یو بل باندی ډزي کړي دي.
جگړه نن سهار وختی د سپیدو داغ نه مخکي د پاکستان د کرمي د ایجنسۍ او د افغانستان د پکتیا د ولایت تر منځ په سرحدي سیمه کی ونښته. پاکستان وایی چی په دې جگړه کی د هاوانو او سپکو وسلو نه کار اخیستل سوی دی.
افغان مامورینو وویل چی ددوی دوه سرحدي محافظین زخمي سوي دي.
د پاکستان او افغانستان سرحدي محافظانو د یکشنبې او دوشنبې په ورځو په همدې سیمه کی هم سختي جگړې وکړې چی په کی ١٣ تنه ووژل سول.