د لاس رسي وړ اتصالات

OCD د انگزایتی یا تشویش او اضطراب یو ډول دی


په انگزایتی یا تشویش کی د مریض د ډار منبع معلومه نه وی برعکس ویره یا ډار پخپله د خطر د یوی معلومی منبع یا شی سره د وجود نارمل عکس العمل دی چی د او سی ډی مکمل نوم OBSCESSIVE COMPULSIVE DISORDER دی چی مریض آبسیشن یا تشویش لری، د یوی موضوع په ‏هکله مکرارآ فکر کوی چی نشی کولای د دغه شی په هکله فکر ونکړی نو د دی دپاره چی د دغه مکرر او دوامداره فکر او چرت وهلو مخه ونیسی نو کمپلسیف یا مکرر حرکات اجرا کوی.

دوی فکر کوی چی د دغو حرکاتو په اجراکولو به د کومی موضوع په هکله چی د دوی فکر ته راځی او د هغه له امله تشویش لری مخه به یی ونیسی، مثلا کله چی په لاره روان شی نو نشی کولای په وړاندی ولاړ شی ځکه نو خپل گامونه باید بیرته په شا واخلی او یا دا چی تشویش لری چی لاسونه یی چټل دی نو په دوامداره توگه خپل لاسونه مینځی او که لږ په څه شی ولگیږی نو بیایی بیرته باید د سره پریمینځی او یا کله چی د کور دروازه وتړی او قلف یی کړی نو بیا هم تشویش لری چی قفل شوه او که نه، نو تکرارآ یی باید څوڅو ځلی وگوری.

د او آسى ډی په ناروغی کی مریض تل ‏هڅه کوی چی ډیر ترتیب او تنظیم ولری چی البته د نارمل سړی د پاره دغه ترتیب او تنظیم دومره د اهمیت وړ خبره نده، خو د او سی ډی د مریض لپاره زیات اهمیت لری.

XS
SM
MD
LG