جرمني د افغانستان جنوب ته د عسکرو په لیږلو کی د امریکا د اردو غوښتنه رد کړې ده
د جرمني حکومت د ناتو په انډیوالانو کی وروستی حکومت دی چی دامریکا دا غوښتنه یې رد کړه چی د افغانستان جنوبي جنگ ځپلي سیمي ته دی محاربوي عسکر واستوی .
د جرمني ددفاع وزیرنن وویل چی دجرمني د پارلمان پریکړي ددوی د عسکرو لیږل یواځي د افغانستان شمالي سیمو ته محدود کړي دي .
جرمني همدا اوس په افغانستان کی ټول درې زره عسکر لری چی په کابل او د هغه ملک په شمالي سیمو کی د ناتو په مشري قواو کی خدمت کوی .