د افغانستان جمهور ریس حامد کرزی وایی چی د امریکا منتخب جمهور ریس براک اوباما ژمنه کړی چی د تروریزم پرخلاف به په افغانستان او سیمه کی مبارزه وکړی.
د ښاغلی کرزی د دفتر مامورین وایی چی ښاغلی اوباما د شنبی په ماښام په ټلیفونی خبرو کی ژمنه وکړه چی د افغانستان سره به خپلی مرستی زیاتی کړی.
د امریکا د دفاع وزیر رابرت گیتس د جمعی په ورځ وویل چی امریکا غواړی افغانستان ته په راتلونکی کال کی لږ تر لږه څلور نوری لیواوی ولیږی.
افغان چارواکی وایی چی نوری اضافی قواووی به د پاکستان سره په سرحدی سیمه کی ځای په ځای شی چی ملک ته د یاغیانو د داخلیدو مخه ونیسی.
د افغانستان د بهرنیو چارو وزیر رنگین دادفر سپنتا وایی د نورو اضافی قواوو داخلید ل به یواځی په هغه صورت کی ومنل شی که دوی د افغانی قواوو سره یوځای کار وکړی چی د طالبانو نه اشغال شوی ځایونه بیرته ونیسی.
بل پلو، ددې نه وروسته چی د افغانستان جمهور رئیس حامد کرزی د امریکا نه د لا زیات شمیر د عسکرو غوښتنه وکړه نن د اییتلاف د قواو ویاند ددفاع په وزارت کی د یوه خبري کنفرانس په ترڅ کی وویل چی ټول هغه بهرني عسکر چی افغانستان ته استول کیږی باید د حکومت سره په همغږی او د اړتیاو په نظر کی نیولو سره خپله دنده تر سره کړي.
کرنیل گریگ جولین د اییتلاف د ځواکونو ویاند د امریکایی عسکرو د دری زروه کسیزی لوا د را رسیدو خبر ورکړ چی ټاکل شوی د افغانستان په جنوبی سرحدی سیمو کی به ځاې په ځای شي.
په همدی وخت کی د
دفاع د وزارت ویاند جنرال اعظیمي وویل مرستندوی هیوادونه باید د افغانستان
د هوایی قواو په غښتلی کولو کی هم چې د زیاتو ستونزو سره مخ دی هم زیار
اوباسي.