پاکستانی چارواکي وایی امنیتي مامورینو څلور کسه نورهم چی د القاعده تروریستی شبکې سره د ارتباط درلودلو شک په را ځی نیولی دي . مامورین وایی دا خلک په تیرو ۴٨ ساعتونو کی د ملک په بېلو بېلو سیمو کی د تلاشیو په وخت نیول شوی دي . مگر هغوی ونه ویل چی دا خلک څوک دی او په هغوی کی خارجیان هم سته که نه . پاکستان په تېره یوه هفته کی څه د پاسه دوولس کسه نیولی دي چی په هغوی کی د القاعده ځینی مهم خارجی او داخلی غړي شامل دي چی د هغو په نیولو سره داسی اطلاعات تر لاسه شول چی په امریکا کی د امنیت ساتلو خبرداری ورکړه شو او په برتانیه کی د ١٣ مشکوکو کسانو د نیولو سبب وگرځید .