د لاس رسي وړ اتصالات

پاکستان وایي قانوني افغان مهاجرین په زوره نه وباسو


د افغان مهاجرینو دپاره د پاکستان عالي کمشنر عمران زیب وايي چې د اگست په ٢٢ په کابل کې د پاکستان، افغانستان او ملگرو ملتونو په گډون په هغه غونډه کې چې په پاکستان کې د میشتو افغان مهاجرینو د پاتې کیدو د مودې د اوږدلو په اړه کومه موافقه شویده، هغه یو وړاندیز دی او تر اوسه پرې فیصله نه ده شوې.

ښاغلي عمران زیب د امریکا غږ آشنا راډیو سره په مرکې کې ویلي دي هغه افغان مهاجرین چې اوس په پاکستان کې د اوسیدو قانوني سند لري، هغوي د روان کال ٢٠١٥ د دسمبر تر پایه پاتې کیدی شي او که څوک دغه سند یا پی ار کارډ نه لري نو د هغوي په اړه قانونی گام اخیستل کیږي.

د افغان مهاجرینو دپاره د پاکستان عالي کمشنر ښاغلی عمران زیب
د افغان مهاجرینو دپاره د پاکستان عالي کمشنر ښاغلی عمران زیب

د مهاجرینو دپاره د پاکستان عالي کمشنر عمران زیب هغه راپورونه رد کړل چې په کې ویل شوي دي چې پاکستان افغان مهاجرین په زوره د خپل ملک نه وباسي.

هغه وویل چې دوي داسې هیڅ راپور نه لري او که چرته کوم افغان په غیر قانوني توگه دلته اوسیږي نو د غیر قانوني بهرنیانو په اړه د پاکستان پالیسي د ټولو ملکونو د اتباعو دپاره یو شان ده.

ښاغلي عمران زیب وویل چې د افغان مهاجرینو په اړه د پاکستان پالیسي د اولې ورځې نه دا ده چې افغانستان کې سوله او امنیت وي، افغانان په خپله خوښه او رضا وطن ته ستانه شي او پاکستان ېې په باعزته ستنیدو کې مرسته وکړي.

please wait

No media source currently available

0:00 0:06:07 0:00
مستقیمه لیکه

  • 16x9 Image

    مطیع الله عابد

    مطیع الله عابد  د کال ٢٠٠٢ نه د امریکا غږ آشنا راډیو پښتو خپرونو سره کار کوي. عابد چې د افغانستان د کندوز ولایت دی د پیښور پوهنتون نه ېې د ژورنالزم ماستر ډگري اخیستې. عابد د خبریالۍ سره سره لیکوالي هم کوي چې زیاتره ځوانانو او د کرکټ لوبې په اړه وي.
XS
SM
MD
LG