د لاس رسي وړ اتصالات

بند امیر د افغانستان د شپږیزې لیګ اتلولي‌ وګټله


راشد خان په لومړي ځل په دغو سیالیو کې کپټان و

د بند امیر ښامارانو مس عینک اتلانو ته په ماتې ورکولو د شپږیزې لیګ اتل شول.

د بند امیر کپټان راشد خان او د مس عینک کپټان محمد نبي‌وو. پچه بند امیر وګټله او د بیټینګ پرېکړه یې وکړه.

دوې په ۲۰ اورونو کې مخالفې لوبډلې ته د ۱۵۸ منډو هدف ورکړ خو هغوې یوازې ۱۵۴ منډې وکړې شوې او لوبه یې وبایلله.

د بند امیر ښامارانو لوبډلې کې جاوید احمدي ۵۵ او حضرت الله ۳۵ منډې وکړې. د مس عینک په لوبډلې کې بیا تر ټولو ډېرې منډې سکندر رضا وکړې چې ۴۰ وې،‌خو د لوبډلې د بري لپاره یې کافې نه وې.

په باولینګ کې بیا ظاهر خان درې او محمد نبي‌ دوه لوبغاړي وسوځول. راشد خان، مسلم موسا، جاوید احمدي او وفادار بیا د مس عینک یو یو لوبغاړي وسوځول.

د شپږیزې لیګ سیالۍ د همدغې میاشتې په ۱۲ نېټه پیل شوې،‌چې شاوخوا ۳۰ بهرنيو لوبغاړو، څاروونکو، روزونکو او مبصرینو په کې برخه واخیسته.

  • 16x9 Image

    جعفر هاند

    جعفر هاند د هند په اندرا ګاندي پوهنتون کې په سیاسي علومو کې ماسټري کړې ده؛ د ننګرهار په پوهنتون کې یې قضا لوستې ده. له ۲۰۰۷ نه تر ۲۰۱۴ کاله پورې د بي بي سي د نړیوالې او افغان څانګې خبریال او پروډیوسر و. د ۲۰۱۴ کال له پیل راهیسې په واشنګټن کې د امریکا غږ اشنا راډیو/تلویزون خبریال دی.

     

XS
SM
MD
LG