د لاس رسي وړ اتصالات

د کنړ په برید کې ملکي خلګ وژل شوي


Archive
افغان چارواکي وايي چې دکنړ په ولایت کې دایتلاف په هوايي بمبارۍ کې 11 ملکیان چې په هغو کې لس ماشومان شامل دي، وژل شویدي. رپوټ وايي دغه بمباري د طالبانو خلاف شوې وه.

په کنړ کي د حکومت چارواکو د یکشنبې په ورځ وویل چې په دغه هوايي برید کې یو کور چې د پاکستان سرحد ته نیژدې دی، په نښه شوی و. په بمبارۍ کې لږ ترلږ شپږ تنه افراطیان وژل شویدي. په دغو مړیو کې دوه جگپوړه طالب قوماندانان هم شامل دي.

دافغانستان دکورنیو چارو وزارت وویل چې شپږ تنه طآلبان په دغو عملیاتو کی په سنو دره او شیلټن کليو کې ووژل شول. په دغو کسانو کې دوه قوماندانان علی خان او گل روف هم شامل وو. رپوټ وايي چې دا دوه کسان ددغه برید پلان جوړوونکي او عملي کوونکي وو.
XS
SM
MD
LG