د لاس رسي وړ اتصالات

محمد نبي لومړنی افغان شو چې ۲۰۰۰ رنزونه کوي


محمد نبي تر دې دمه د افغانستان لپاره ۸۷ یوه ورځنۍ نړیوالې لوبې کړي‌دي

د افغانستان د ملي‌ لوبډلې مخکښ لوبغاړي محمد نبي د کرکټ په یوې ورځنیو سیالیو کې ۲۰۰۰ رنزونه وکړل.

محمد نبي د یکشنبې په ورځ( فبروري ۱۱) له زمبابوې سره په یوې لوبې کې خپل دوه زرم رنز وکړ. دی په دغې لوبې په ۳۱ منډو وسوځېده.

نبي له کلونو کلونو راهېسې د افغانستان په ملي لوبډلې کې لوبیږي. دی د ملي لوبډلې الراونډر دی، په دې مانا چې هم توپ اچونه کولی شي‌او هم توپ وهنه کولی شي.

محمد نبي د افغانستان لپاره تر دې دمه ۸۷ یوه ورځنۍ نړیوالې لوبې کړي دي، چې نهه پنځوسیزې او یوه سلیزه په کې شامله ده.

تر دې وروسته محمد شهزاد دی چې د افغانستان لپاره یې تر ټولو ډېرې منډې کړي دي.

محمد نبي هغه لوبغاړی دی چې د هند په لویو تجارتي سیالیو،‌ آی پي ال، د استرالیا په تجارتي سیالیو، بګ بش، د بنګلدېش په تجارتي سیالیو، بي پي ال او د ویسټ انډیز په تجارتي سیالیو،‌ سي پي ال، کې لوبېدلی دی.

دی تر اصغر ستانکزي مخکې د افغانستان د ملي لوبډلې کپتان هم و.

  • 16x9 Image

    جعفر هاند

    جعفر هاند په ۲۰۱۷ کې په واشنګټن ډي سي کې په امریکايي پوهنتون کې په نړیوالو مطبوعاتو او اړیکو کې ماستري کړې ده. لومړۍ ماستري یې په ۲۰۱۳ کال کې (له لېرې واټن- Distance Learning) د هند په اندرا ګاندي پوهنتون کې په سیاسي علومو کې کړې ده. د ننګرهار په پوهنتون کې یې قضا لوستې ده. له ۲۰۰۷ نه تر ۲۰۱۴ کاله پورې د بي بي سي د نړیوالې او افغان څانګې خبریال او پروډیوسر و. د ۲۰۱۴ کال له پیل راهیسې په واشنګټن کې د امریکا غږ اشنا راډیو/تلویزون خبریال دی. 

XS
SM
MD
LG