د لاس رسي وړ اتصالات

اصغر افغان په یوې ورځنیو لوبو کې ۲۰۰۰ منډې پوره کړې


اصغر افغان تر دا مهاله د افغانستان لپاره ۹۹ یوې ورځنۍ لوبې کړي دي

د افغانستان د کرکټ د ملي لوبډلې کپټان اصغر افغان په یوې ورځنیو نړیوالو لوبو کې ۲۰۰۰ رنزونه پوره کړل.

هغه د یکشنبې په ورځ (مارچ۱۰) له ایرلنډ سره په لوبې کې خپله دوه زرمه منډه وکړه.

د کرکټ نړیوالې شورا په خپل رسمي ټویټر کې ښاغلي افغان ته د هغه د ۲۰۰۰ منډو مبارکي ورکړې ده.

تر اصغر افغان مخکې دوو نورو افغان لوبغاړو محمد شهزاد محمدي او محمد نبي هم تر ۲۰۰۰ زرو ډېرې منډې کړي.

دا مهال په یوې ورځنیو لوبو کې محمد شهزاد محمدي او محمد نبي، هر یو یې، څه باندې ۲۵۰۰ منډې لري.

اصغر افغان له ایرلنډ سره د یوې ورځنیو سیالیو ( مارچ ۲۰۱۹) د پنځو لوبو په لړۍ کې ښه ځلېدلی دی.

هغه درې پرلپسې پنځوسیزې وکړې او په وروستۍ لوبه کې په ۸۲ منډو باندې په پښو کې د درد له کبله له میدان څخه ووت.

ښاغلي افغان تر دا مهال د افغانستان لپاره ۹۹ یوې ورځنۍ لوبې کړي دي. په دغه لړ کې یې ۱۱ پنځوسیزې او یوه سلیزه یې کړې ده.

  • 16x9 Image

    جعفر هاند

    جعفر هاند په ۲۰۱۷ کې په واشنګټن ډي سي کې په امریکايي پوهنتون کې په نړیوالو مطبوعاتو او اړیکو کې ماستري کړې ده. د ننګرهار په پوهنتون کې یې قضا لوستې ده. له ۲۰۰۷ نه تر ۲۰۱۴ کاله پورې د بي بي سي د نړیوالې او افغان څانګې خبریال او پروډیوسر و. د ۲۰۱۴ کال له پیل راهیسې په واشنګټن کې د امریکا غږ اشنا راډیو/تلویزون خبریال دی. 

XS
SM
MD
LG