د افغانستان د ټاکنو د دوهم پړاو بلاگ په ژوندۍ بڼه

سپینې ماڼۍ د افغان رایې ورکونکو «زړورتیا او عزم» ستایلی دی او انتخابات یې په افغانستان کې د دیموکراسۍ لپاره یو «مهم پرمختګ» بللی دی.
د ملګرو ملتونو عمومي منشي بان کې مون افغانانو ته مبارکي ویلې ده. هغه ویلي دي چې په انتخاباتو کې د ښځو او نارینو ګډون ښيي چې افغانان د خپل هیواد راتلونکي ته ژمن دي او «تشدد او زور» ردوي.
د ناټو عمومي منشي اندرس فوغ راسموسن هم هغو میلیونو افغانانو ته مبارکي ویلې ده چې د ولسمشرۍ د انتخاباتو په دوهم دور کې یې برخه اخیستې وه.
آیساف بیا افغان ځواکونه ستایلي دي او ویلي یې دي چې په بریالیتوب سره د انتخاباتو ترسره کیدل «په واضح توګه ښيي» چې د امنیت د ساتلو په تړاو افغانان په خپلو ځواکونو اعتماد لري.