په ننګرهار کې کروندګر وایي چې د کوکنارو مخنیوي بدیله لاره ورته نه ده ښودل شوې نو ځکه یې کوکنارو کرلو ته مخه کړې.
دوی وایي دولت د کوکنارو داسې بدیل ورته نه دی وړاندې کړی چې د کوکنارو ځای ناستی اوسي او د کرکېلې مخنیوی وکړي.
دوی وایي د عادی کښتونو لکه غنم او سبزیجاتو کرل د کوکنارو پر وړاندې ډېره عادي لاسته راوړنه لري او دوی ځکه د کوکنارو کرلو ته مخه کړې.
ننګرهاري کروندګر وایي که دولت دوی ته د کوکنارو کرکېلې مخنیوي لپاره ښه بدیل دبېلګې په توګه زعفران ورکړي نو اړ دي چې کوکنار ونه کري.
دوی داراز وایي چې په سیمه کې د دولت مخالفو وسله والو په ځانګړې توګه وسله والو طالبانو د کوکنارو کرکېلې مخنیوی نه کوي.
دوی وایي وسله وال طالبان هم له دوی د کوکنارو عشر اخلي نو ځکه یې د کرکېلې مخنیوی نه کوي.
د ننګرهاریو کروندګرو پر وینا د دوی سیمو کې دولت حاکمیت نه لري او د دولت مخالف وسله وال یې مخنیو نه کوي نو ځکه په ډاډه زړه پر خپلو ځمکو کوکنار کري.
دا ویډیو د ننګرهار سره رود ولسوالۍ کې د کوکنارو له یوې کروندې اخیستل شوې او کروندګر په کې کتل کېږي چې خپل کرل شوي کوکنار خیشاوه کوي .
دوی وایي له شاوخوا لسو کالو راهیسې په خپلو ځمکو کې کوکنار کري خو تر اوسه یې چا مخنیوی نه دی کړی.