د لاس رسي وړ اتصالات

افغانستان د هالنډ په خلاف لوبو لپاره لوبډله اعلان کړه ؛ نبي او نوین لوبډله کې نشته


په اعلان شوې لوبډلې کې تر ډیره ځوانو لوبغاړو ته فرصت ورکړل شوی.
په اعلان شوې لوبډلې کې تر ډیره ځوانو لوبغاړو ته فرصت ورکړل شوی.

د افغانستان کرکټ بورډ د هالنډ د لوبډلې سره د دریو یو ورځنیو نړیوالو لوبو لپاره لوبډله اعلان کړله چې ډیره برخه پکې نویو او ځوانو لوبغاړو ته ورکړل شوې.

دا لوبې د همدې روانې جنوري د میاشتې په ۲۱مې د افغانستان په کوربه توب په قطر کې پیلیږي.

په اتلس کسیزه لوبډله کې چې مشري یې حشمت الله شهیدي کوي د ریاض حسن، شاهدالله کمال، عظمت الله عمرزی، فضل حق فاروقي او محمد سلام صافي په نامه نویو او ځوانو لوبغاړو ته فرصت ورکړل شوی.

په اعلان شوې لوبډله کې د افغانستان یو تر ټولو مجرب او مشر لوبغاړی محمد نبي نشته. د کرکټ بورډ په اعلامیې کې راغلي چې ښاغلي نبي " غواړي چې پرځای یې ځوان لوبغاړي ولوبیږي".

محمد نبي چې د افغانستان د شلو شلو اورونو د لوبډلې کپتان هم دی اوس مهال په اسټرالیا کې د بګ بش په تجارتي سیالیو کې لوبه کوي.

په لوبډلې کې د افغانستان د تیز توپ اچونکي نوین الحق نوم هم نشته. ښاغلي نوین څه موده وړاندې د افغانستان د کرکټ بورډ نه د یو ورځنیو لوبو د نه کولو غوښتنه کړې وه او ویلي یې و چې غواړي د شلو شلو اورونو د نړیوال جام لپاره تیاری ونیسي.

د افغانستان او هالنډ تر منځ دا لوبې د کرکټ د نړیوالې شورا د سوپر لیګ برخه ده چې د ۲۰۲۳ نړیوال جام د غوراوي لپاره کیږيچې ټاکل شوې په هند کې وشي.

افغانستان د نړیوال جام د سوپر لیګ لپاره خپلې لومړنۍ لوبې تیر کال د آیرلنډ د لوبډلې سره کړې وې چې درې واړه یې یې ګتلې وې او ۳۰ پواینټه لري.

د کرکټ د نړیوالې شوارې د پریکړې له مخې د پواینټونو له مخې یوازې د سر اته لوبډلې د ۲۰۲۳ یو ورځنیو نړیوام سیالیو ته لار پیدا کوي. افغانستان اوس په یوولسم مقام کې دی.

XS
SM
MD
LG