د سولې په چارو کې د افغانستان د دولت وزارت ستر سلاکار عزیز الله فضلي وايي کوم بندیان چې تر اوسه افغان حکومت آزاد کړي، د طالبانو د پنځه زره کسیز لست پر اساس دي.
ښاغلي فضلي له امریکا غږ سره په ځانګړې مرکه کې وویل، وسله والو طالبانو سره د سولې مذاکراتي ټیم به یوازې د سولې لړۍ پیلوي او له هغه وروسته به د مصالحې عالي شورا چې جګپوړي چارواکي او سیاسي مشران به یې غړي وي، کار پیلوي.
د افغان حکومت دې چارواکي وویل، د سولې د مذاکراتي ټیم د غوره کیدو لپاره ژور بحثونه وشول او بالاخره ۲۱ کسیز ټیم وټاکل شو څو وکړای شي په بین الافغاني مذاکراتو کې د ټولو خلکو نماینده ګي وکړای شي.
