د لاس رسي وړ اتصالات

په سوریه کې د روسي ځواکونو اډې سره نږدې د موټر بم چاودنه


روسیې په ۲۰۱۵ کال کې په سوریه کې نظامي مداخله وکړله.
روسیې په ۲۰۱۵ کال کې په سوریه کې نظامي مداخله وکړله.

د سوریې د جګړې د څار یوه اداره وایي د دې هیواد په شمال ختیځه برخه کې یوې نظامي اډې سره نږدې د موټر بم چاودنه شوې چې روسي ځواکونه پکې دیره دي.

د سوریې د بشري حقونو د څار ادارې ویلي چې د موټر بم چاودنه د راقه په ولایت کې شوې او ګڼ شمیر کسان پکې ټپي شوي خو نور جزیات یې ندي ورکړي.

روسیې تر اوسه د پیښې په هکله تبصره نده کړې.

چاودنه د راقه ایالت په هغې سیمې کې شوې چې څنګ ته سیمې یې د کردي ملیشو په لاس کې دي خو روسي او د سوریې ځواکونه هم پکې پراته دي.

په یوې اعلامیې کې چې په ټولنزیو شبکو کې خپره شوې، د «حراس دین» په نامه جهادي ډلې چې د القاعده پورې تړلې، ادعا کړې چې چاودنه هغوي کړې.

د سوریې د بشري حقونو د څا ادارې ویلي دوو کسانو د چاودیدونکو موادو ډک موټر نظامي اډې سره نږدې ودراوه او د سیمې نه وتښتیدل.

د دې ادارې مشر رامي عبدالرحمان ویلي چې دا د سوریې په شمال ختیځ کې لومړي ځل دی چې د روسیې په ځواکونو دا ډول برید کیږي.

د حراس دین وسله واله ډله تر ډیره حده د سوریې د ادلیب ولایت په شمال لویدیځه برخه کې فعالیت کوي چې د یاغیانو وروستی قوی مرکز دی او ډیر لږ ددې سیمې نه بهر فعالیت کوي.

روسیې په ۲۰۱۵ کال کې د سوریې په جګړې کې مداخله وکړه او هوایي ځواکونو یې د بشارالاسد د حکومت په ملاتړ د ادلیب په ولایت کې په یاغیانو هوایي بمبارۍ وکړي چې ګڼ شمیر کسان په کې ووژل شول او ژوبل شول.

د سوریې په جګړې کې چې په ۲۰۱۱ کال کې پیل شوې تر اوسه پکې د ۳۸۷۰۰۰ نه ډیر کسان وژل شوي او په میلونونو نور اړ شوي چې خپل کور کلي پرېږدي او نورو سیمو او هیوادونو ته کډه وکړي.

XS
SM
MD
LG