د کانګو دیموکراتیک جمهوریت چارواکي وايي په دغه هېواد کې د ایبولا د وبا له کبله د مړو شمېر له ۴۰۰۰ اوښتی او دغه ناروغي د کانګو په یو شمېر سیمو کې په چټکۍ سره د خپرېدو په حال کې ده.
د وروستیو قربانیانو په منځ کې یوه اته میاشتنی امیندواره ښځه او د هغې نا زېږېدلی ماشوم وو چې په بوټیمبو ښار کې خاورو ته وسپارل شول.
د روغتیايي کارکوونکو تر څارنې لاندې کورنۍ ته اجازه ورکړل شوه چې خپل دودیز مراسم ترسره کړي، څو د ناروغۍ د لا خپرېدو مخه ونیول شي.
د ایبولا دا بڼه چې «بونډیبوګیو» نومیږي، د کانګو په تاریخ کې د ایبولا ترټولو مرګانۍ او د نړۍ په کچه د ایبولا دویمه ترټولو بڼه ده چې تراوسه یې له ۸ زرو ډېرې پېښې ثبت شوې دي.
سره له دې چې چارواکي په ځینو سیمو کې د ناروغۍ د خپرېدو د کموالي خبر ورکوي، خو دا ویروس لا هم په ختیځه کانګو کې په چټکۍ سره خپرېږي.
په کینیا کې هم د ایبولا ددې بڼې مثبته پیښه ثبت شوې او په ټوله سیمه کې ددې ناروغۍ د خپرېدو اندېښنې زیاتې شوې دي.
فورم \ دبحث خونه