د لاس رسي وړ اتصالات

د کرېکټ د نړیوال جام په اړه ځیني مهم معلومات


د دغه جام د ګټلو لپاهر ۱۴ لوبډلې له یو بل سره سیالي کوي.

د کرېکټ د ۲۰۱۵ کال په نړیوال جام کې ۴۹ سیالۍ په ۴۴ ورځو کې کیږي. لومړنۍ لوبه یې د فبرورۍ په ۱۴ او پایلوبه یې د مارچ په ۲۹ ټاکل شوې ده. اسټرالیا به د ۲۶ سیالیو او نیوزلېنډ به د ۲۳ سیالیو کوربانه وي.

د لوبو ښودل

د کرېکټ د نړیوالې شورا د وېپاڼې د معلوماتو له مخې د ۲۰۱۵ کال کې د نړیوال جام سیالۍ د نړۍ په شاوخوا ۲۰۰ هېوادونو کې پر تلویزونونو ښودل کېږي چې د اټکل له مخې دوه میلیارده خلک به یې وګوري.

په هرې لوبې کې ۲۹ کیمرې کارول کیږي چې یې یو شمېر یې ګرځنده کیمره دي چې پر نندارچیانو او د میدانونو په بېلا بېلو برخو کې به پر لوبغاړو ګرځي او فلمونه یې اخلي.

د ټکټونو بیه

د کرېکټ د نړیوالې شورا د رسمي وېپاڼې د معلوماتو له مخې د نړیوال جام د سیالیو لپاره شاوخوا یو میلیونه ټکټونه چاپ شوي دي چې نژدې اته میلیونه یې پلورل شوي دي. د ټکټونو ټېټه بیه پنځه ډالره او لوړه یې ۱۲۷ ډالره ټاکل شوې ده.

د سیالیو د ګروپي لوبو د ټکټونو بیه د مشرانو لپاره څه باندې ۲۰ ډالره او د ماشومانو لپاره څه باندې پنځه ډالره ټاکل شوې ده.

د اتو غوره لوبډلو د سیالیو د لیدلو لپاره د مشرانو لپاره د هر ټکټ بیه شاوخوا ۵۰ ډالره او د ماشومانو لپاره څه باندې ۲۰ ډالره ده.

د نیمه پایلوبو یا سیمې فاینل د ټکټونو بیه د مشرانو لپاره ۶۶ ډالره او د ماشومانو لپاره نژدې ۳۱ ډالره ده او د پایلوبې د ټکټونو بیه بیا ۱۲۷ ډالره ده او د ماشومانو لپاره څه باندې ۶۱ ډالره ټاکل شوې ده.

د نړیوال جام مالي جایزې

د ۲۰۱۵ کال نړیوال جام ټولو لوبډلو ته په دغو سیالیو کې یوازې د هغوی د کډون له کبله ۳۵ زره ډالره ورکول کیږي.

د افغانستان د کرېکټ د ملي لوبډلې روزوونکی ریس احمدزي امریکا غږ ته وویل چې هره لوبډله چې لوبه وګټي ۱۰زره ډالره جایزه هم ورکول کیږي.

د نړیوال جام سیالیو د اتو غوره لوبډلو هرې یوې ته ۳۰۰ سوه زره امریکايي ډالره ورکول کیږي او هغوی ته چې نیمه پایلوبو ته ووځي ۶۰۰ زره ډالره جایزه ورکول کیږي.

د نړیوال جام تر ټولو لوړه مالي جایزه د جام د ګټوونکې لوبډلې ده چې درې میلیونه او ۹۷۵ زره ډالره کیږي او ورپسې بیا د دویمې لوبډلې جایزه ده چې یو میلیون او ۷۵ زره ډالره کیږي.

  • 16x9 Image

    جعفر هاند

    جعفر هاند په ۲۰۱۷ کې په واشنګټن ډي سي کې په امریکايي پوهنتون کې په نړیوالو مطبوعاتو او اړیکو کې ماستري کړې ده. لومړۍ ماستري یې په ۲۰۱۳ کال کې (له لېرې واټن- Distance Learning) د هند په اندرا ګاندي پوهنتون کې په سیاسي علومو کې کړې ده. د ننګرهار په پوهنتون کې یې قضا لوستې ده. له ۲۰۰۷ نه تر ۲۰۱۴ کاله پورې د بي بي سي د نړیوالې او افغان څانګې خبریال او پروډیوسر و. د ۲۰۱۴ کال له پیل راهیسې په واشنګټن کې د امریکا غږ اشنا راډیو/تلویزون خبریال دی. 

XS
SM
MD
LG