د فرانسیې سفیر د دوشنبې په ورځ وویل چې ملگري ملتونه دې په لیبیا کې د انسانانو د غلامانو په توگه د خرڅولو په ضد جدي اقدامات وکړي. هغه وویل چې ملگري ملتونه دې په لیبیا حتی د بندیزونو په لگولو غور وکړي.
فرانسې د ملگروملتونو د شورا نه د سه شنبې په ورځ د بیړنۍ غونډې غوښتنه کړیده. یوه اونۍ مخکې د ملگرو ملتونو لوړپوړي هیت په لیبیا کې د انساني قاچاق په هکله بحث وکړ.
د فرانسې سفیر فرانکوس ډلاټیر خبریالانو ته وویل "مونږ په دې هکله ډیر څه کولی شو، چې داسې یو حالت ته 'نه' ووایو چې هیڅ د قبولیت وړ ندی."
کله چې د هغه نه یو خبریال دا پوښتنه وکړه چې ایا په لیبیا د بندیزونو لگول ممکن دي نو هغه وویل چې مونږ په ټولو ممکنه لارو چارو غور کوو.
د ملگرو ملتونو سرمنشي انتهونیا گټرس تیره اونۍ ویلي و چې هغه د سي این این هغه رپورټ ډیر حیرانه کړیدی چې په لیبیا کی یې د انسانانو د غلامانو په توگه خرڅول ولیده. دغه انسانان چې د غلامانو او وینزو په توگه خرڅیدل ، د افریقایي ملکونو مهاجر و.
ځینې کسان پکې د ۴٠٠ ډالرو پورې خرڅ شول.
د لیبیا حکومت د غلامانو په یو بازار کې د ویډیو خپریدو نه وروسته ویلي دي چې هغوي په دغه مسله تحقیقات کوي.