د لاس رسي وړ اتصالات

مرکل: د یهودانو سره د ضدیت پر ضد مبارزه د جرمني اخلاقي وظیفه ده


د جرمني صدراعظمه انګلا مرکل وایي، د یهودیت ضد مخ په زیاتېدونکو احساساتو پر ضد مبارزه د جرمني اخلاقي وظیفه ده.

انګلا مرکل، د جمعې په ورځ (نوامبر ٩) د هالوکاست د ٨٠ مې کلیزې په مراسمو کې وویل چې په جرمني کې د یهودانو ژوند یو ځل بیا په غوړېدو دی، خو ټینګار یې وکړ چې "په عین وخت کې د یهودیت ضد احساساتو شاهد هم یو چې ددغو خلکو ژوند یې په جرمني کې ګواښوي".

انګلا مرکل
انګلا مرکل

مېرمن مرکل چې تور کالي یې اغوستي وو په برلین ښار کې د یهوادنو په یوې کنیسې کې د وینا پر وخت یهودي مشرانو ته وویل چې "وروسته له اته لسیزو یو ځل بیا د یهودانو پر ضد تاوتریخوالی په ډېرېدو دی."جرمني او اتریش د جمعې په ورځ د ١٩٣٨کال د نوامبر د نهمې نېټې د یهودانو د وژنو، لوټولو او د هغوی د مالونو د له منځه وړولو یاد تازه کړ.

هالوکاست په دوهمه نړیواله جگړه کې د جرمني د نازي رژیم له خوا د یهودانو ډله ییزې وژنې ته ویل کېږي.

یو شمېر اروپایان د هالوکاست نه انکار کول جرم ګڼي، خو د نړۍ یو شمېر مشران په ځانګړې توګه د ایران پخواني جمهور رئیس محمود احمدي نژاد، په وار وار هالوکاست "کیسه" ګڼلې او ویلي یې دي چې اسرائیل باید د ځمکې له نقشې پاک شي.

د ښاغلي احمدي نژاد نظر د زیات شمېر غربي هېوادونو له خوا غندل شوی دی.

ولسمشر ډونالډ ټرمپ
ولسمشر ډونالډ ټرمپ

د امریکا د متحده ایالاتو جمهور رئیس ډونالد ټرمپ هغو کسانو ته په خطاب کې چې هالوکاست نه مني په وار وار ویلي دي چې "د هالوکاست تکذیب د یهودانو سره د ضدیت یو خطرناک ډول دی چې په ټوله نړۍ کې دوام لري."

XS
SM
MD
LG