د لاس رسي وړ اتصالات

منځني ختیځ کې کړکېچ؛ بمي چاودنو غزه ولړزوله


انځور: آرشیف

په غزې کې د پنجشنبې ورځې په سهار لږترلږه پنځو بمي چاودنو یو کس ټپي کړی دی.

د امریکا غږ خبریال د چاودنو غږ اورېدلی او لیدلي یې دي چې تر پېښې وروسته سیمې ته امبولاسونه تللي دي.

د سیمې خلک وایې چې ګمان کوي د چاودنو هدف د حماس ډلې تاسیسات وو.

چاودنې د اسرائیلو او غزې په سرحد کې له پراخو او خونړیو مظاهرو څخه وروسته شوې دي چې په ترڅ کې د اسرائیلي پوځیانو په ډزو کې شاخوا۶۰ فلسطینایان وژل شوي او ۲۷۰۰ تنه ټپیان شوي دي.

د چهارشنبې په ورځ [مې ۱۶] د حماس ډلې یوه جګپوري غړي تائید کړه چې په وژل شویو کسانو کې ۵۰ تنو د حماس غړېتوب درلود. په وژل شویو خلکو کې د یوې اته میاشتنۍ ماشومې په شمول، ښځې او کوچنیان هم شامل دي.

د ملګرو ملتونو د بشري حقونو ادارې د "فلسطین په اشغال شویو سیمو کې د مخ پر خراب حالت" په هکله د بحث لپاره یوه خاصه غونډه رابللې ده.

دارنګه، د نړیوالې جنايي محکمې د څارنوالۍ څانګې پرون په غزې کې د زیاتېدونکي تشدد له امله "شدیده اندېښنه" وښودله. دغې محکمې ویلي چې پر شویو جرمونو څېړنې کېدی شي.

منځني ختیځ کې کړکېچ؛ بمي چاودنو غزه ولړزوله
please wait

No media source currently available

0:00 0:02:39 0:00

XS
SM
MD
LG