د لاس رسي وړ اتصالات

د انجونو ورځ؛ د زده کړو لپاره د افغان انجونو اوږد مزل


د اکټوبر یوولسمه د انجونو نړیواله ورځ ده. دا ورځ هر کال د ملګرو ملتونو لخوا انجونو ته د زیاتو فرصتونو د برابرولو او د انجونو په وړاندې د بې عدالتیو د له منځه وړلو او جنسیتي برابرۍ لپاره نمانځل کیږي.

که څه هم چې افغانستان کې ددې ورځې نمانځنه زیات دود نده خو یو شمېر انجونې دا ورځ د خپلو حقوقو د ګټلو لپاره مهمه بولي.

امریکا غږ په کابل کې له تعلیم محرومو او تعلیم یافته انجونو سره خبرې کړي دي.

۱۷ کلنه زهرا د تعلیم پرځاي د کورنۍ د نفقې پسې سرګردانه ده. هغه چې د کابل ښار په سړکونو کې جورابې خرڅوي وایې چې "پلار یې ګوزڼ وهلی او د کور لپاره ډوډۍ ګټي."

د پوهنې وزارت وايې چې د ناامنیو او ناوړه دودونو له امله ۳،۷ مېلیونه ماشومان ښوونځيو ته نشي تللی چې ۶۰٪ یې انجونې دي.

بل لورته بیا په مېلیونونه نورې انجونې د هېواد په بیلابیلو برخو کې ښوونځيو او پوهنتونو ته ځي.

احصائیې ښیي چې ۳،۵ مېلیونه انجونې ښوونځیو ته ځي. د ځېنو په باور دا د انجونو د تعلیم لپاره یو لوي بدلون دی.

سلګونه ځوانې انجونې د افغانستان په امریکايي پوهنتون کې لوړې زده کړې کوي.

ذاکره رسولي چې په دغه پوهنتون کې سیاسي علوم لولي وايې چې زیاترو انجونو ته د زده کړوزمینه برابره ده. هغه "ځان خوشبخته" بولي چې په یو معتبر پوهنتون کې تعلیم کوي.

د پوهنتون محصلین بلقیس احسان او حسینه وردګ پدې نظر دي چې د انجونو د نړیوالې ورځې نمانځنه د انجونو پر وضعیت خپل خاص اثر لري.

دوي وايې چې انجونې له زده کړو محرومې دي، ټولنیز عدالت نشته او اړتیا ده چې هغوي له خپلو حقونو باخبرې وي.

د انجونو ورځ؛ د زده کړو لپاره د افغان انجونو اوږد مزل
please wait

No media source currently available

0:00 0:03:16 0:00

XS
SM
MD
LG