د لاس رسي وړ اتصالات

د ولسي جرگې ٩٢ نوماندان د ٧ ولایتونو له ابتدایي لست نه حذف شول


په افغانستان کې د ولسي جرګې او ولسوالیو د شوراګانو لپاره د تلې د میاشتې ۲۸ مه ورځ ټاکل شوې ده
په افغانستان کې د ولسي جرګې او ولسوالیو د شوراګانو لپاره د تلې د میاشتې ۲۸ مه ورځ ټاکل شوې ده

د ټاکنو خپلواک کمیسیون د دوو ورځو ځنډ وروسته نن د شنبې په ورځ (چنګاښ ۹مه) یوازې د اوو ولایتونو د ولسي جرګې د نوماندانو لومړنی لیست خپور کړ.

د ټاکنو د خپلواک کمیسیون د معلوماتو له مخې په د غو اوو ولایتونو کې، چې کابل هم په کې شامل دی، د یو شمیر ښځینه نوماند انو په ګډون د ۹۲ نوماندانو نومونه د لمړني لیست څخه ایستل شوي دي.

د ټاکنو د خپلواک کمیسیون د ویاند مرستیال عبدالعزیز ابراهیمي امریکا غږ اشنا راډیو ته وویل، چې په اعلان شوي لیست کې د کابل سربیره د بامیانو، ارزګان، نیمروز، نورستان، خوست او د کونړ ولایت نوماندانو نومونه شامل دي

د ښاغلي ابراهیمي د وینا له مخې په کابل کې د اتو سوو نوماندانو څخه، چې د ولسي جرګې ټاکنو لپاره یې ځانونه کاندید کړي وو، ۷۳ تنو نومونه په اسنادو کې د ستونز و له امله له لیست څخه ایستل شوي دي.

هغه وویل په پاتې شپږو ولایتونو کې هم د ۱۹ نورو نوماندانو نومونه هم د ورته ستونزو له امله له لیست څخه ایستل شوي دي.

د ټاکنو خپلواک کمیسیون وایي، چې د پاتې اوویشت ولایتونو د نوماندانو د نومونو لیست به د شنبې د ورځې تر پایه اعلان کړي.

د ټاکنو د خپلواک کمیسیون د مهال ویش له مخې ټاکل شوې وه، چې د ولسي جرګې او ولسوالیو د شوراګانو د ټاکنو د نوماندانو د نومونو لیست د چنګاښ په اومه ورځ اعلان کړی وې، خو د ټاکنو کمیسیون په راروانو ټاکنو کې په زیات شمیر نوماندانو د دریدلو او دغه کمیسیون ته د اسنادو د ناوخته رسیدلو له امله په ټاکلې نیټه دا لیست اعلان نه کړی شو.

د ټاکنو د خپلواک کمیسیون د شمیرنو له مخې یوازې د ولسي جرګې لپاره په ۳۴ ولایتونو کې دوه زره او درې سوه شپږ نوي نوماندانو ځانونه نومولي، چې ۳۸۱ یې ښځې دي.

XS
SM
MD
LG