د اندونیزیا په دوو ښارونو کې یوې زوروې زلزلې شاوخوا ۳۸۴ کسان مړه کړي دي.
زلزله د جمعې په ورځ په پالو او ډونګالا سیمو کې وشوه، شدت یې د ریکتر په کچه ۷،۵ درجې ثبت شوې ده.
چارواکي د مړو د تازه شمیر د اعلانولو په ترڅ کې ویره ښودلې چې ممکن د تلفاتو شمیر نور هم اوچت شي.
د اندونیزیا د طبیعي پېښو سره د مبارزې ادارې ویاند وایې چې د ژغورنې مامورینو د خلکو د موندلو کار پیل کړی دی.
ملګرو ملتونو ویلي چې مامورین یې د اندونیزیا له حکومت سره په اړیکه کې دي او د اړتیا په صورت کې مرستو ته چمتو دي.