د لاس رسي وړ اتصالات

د ناسا نوی روباټ مریخ ته ورسید


چارواکي: نوې وسیله به پلټنې پېل کړي او ساینس پوهانو ته به معلومات راټول کړي
چارواکي: نوې وسیله به پلټنې پېل کړي او ساینس پوهانو ته به معلومات راټول کړي

د امریکا د فضایي تحقیقاتو ادارې، ناسا یوه پلټونکې وسیله د مریخ پر مخ کېنولې ده. دغه وسیله مریخ ته د رسېدو په خاطر په شپږو میاشتو کې ۴۸۲ مېلیون کېلومتره مزل کړی دی.

د سلگونه میلیون کلیو مترو واټن څخه د بریالیتوب خبر راغی. استول شوي ماشین "ان سایټ" خپل هدف مریخ ته ورسید.

دغه ماشین ته دوه کلن ماموریت ورکړل شوی چې د مریخ د منځ حال احوال معلوم کړي.

ساینسپوهان تمه لري چې ان سایټ به داسې معلومات را غونډ و ناسا ته راولیږي، چې د مریخ ډېر ناسپړلي رازونه به څرگند شي.

مریخ ته رسیدلی ماشین به، د سیارې د منځ، حال احوال، د تودوخي درجه او داسې نور معلومات ټولوي.

د مریح په اتومسفیر کې ددې وسلې د خرابېدو د مخنیوي لپاره، دغه ماشین په مناسبه توگه پوښل شوی دی.

ساینسپوهان هڅه کوي په دې پوه شي چې مریخ څو میلیارد کاله پخوا، څنگه جوړ شوی دی.

د مریخ په اړه ترلاسه کیدونکي معلومات به له ساینسپوهانو سره مرسته وکړي چې ددې شمسي نظام په اړه د پوهاوي نوې دروازې خلاصې کړې او عام انسانان هم په دې پوه شي چې له دې خاورینې ځمکې اخوا هم نړۍ لویه ده.

XS
SM
MD
LG