د لاس رسي وړ اتصالات

افغانستان کې ۱۲ تنه نور د کرونا ویروس له امله مړه شوي


په افغانستان کې د کرونا ویروس د ټولو مثبتو پېښو شمېر ۴۴۷۰۶ ته پورته شوو

د افغانستان د عامې روغتیا وزارت په تیرو ۲۴ ساعتونو کې د هیواد په شمېر ولایتونو کې د کرونا ویروس د ۲۰۳ مثبتو پېښو ثبتېدو او ۱۲ تنو مړه کېدو خبر وکری دی.

روغتیا وزارت نن یکشنبه نومبر ۲۲ (لېندۍ دوهمه) ویلي چې په تېرو ۲۴ ساعتونو کې د کرونا ویروس د ۱۳۰۷ مشکوکو سمپلونو معاینات شوي چې په وینا یې ۲۰۳ یې مثبت او پاتې منفي و.

د یاد وزارت د معلوماتو په اساس په دې سره په افغانستان کې د کرونا ویروس د ټولو مثبتو پېښو شمېر ۴۴۷۰۶ ته پورته شو.

د تیرو ۲۴ ساعتونو تر ټولو زیاتې پېښې چې ۸۳ کیږي یوازې په مرکز کابل کې ثبت شوي دي.

همدرانګه په تیره شپه او ورځ د هیواد په پنځو ولایتونو کې د کرونا ویروس له امله ۱۲ تنه مړه شوي چې په دې سره د کرونا له امله د مړو شوو کسانو شمېر ۱۶۸۷ ته ورسې.

د افغانستان د عامې روغتیا وزارت زیاتي چې په د دې ترڅنګ ۵۱۲ تنه بیرته له کرونا څخه جوړ شوي چې په دې سره د ټولو بیرته روغ شوو کسانو شمېر هم ۳۵۹۳۴ ته لوړ شو.

کرونا ویروس د لومړي ځل لپاره د ۲۰۱۹ کال په ډسمبر میاشت کې د چین د هوبي ایالت په ووهان ښار کې پیدا او وروسته ټولې نړۍ ته خپور شوو.

د امریکا د جانس هپګینز پوهنتون د معلوماتو په اساس تر دا مهاله په ټوله نړۍ کې شااوخوا ۵۵ میلیونه کسان په کرونا ویروس اخته شوي او څه باندې یومیلیون نور ورڅخه مړه شوي دي.

XS
SM
MD
LG