د بریتانیې ملکه الیزابیت دوهمه، نن پنجشنبې ۸ سپتمبر (وږي ۱۷) د ۹۶ کلونو په عمر کې مړه شوه.
هغې د یوې کړکېچنې پیړۍ په اوږدو کې د ۷۰ کلونو دپاره پر بریتاینې سلطنت وکړ.
د بریتانیا شاهي کورنۍ اعلان وکړ چې هغې په سکاټلنډ کې د بلمورل په ماڼۍ کې سترګې پټې کړې چیرې چې به هغې معمولا د اوړي موسم تیروه.
د شاهي کورنۍ غړي وروسته له هغه د ملکې خوا ته ورغلي وو چې د هغې صحي حالت خراب شوی و.
د هغې مرګ د بریتانیا د ملت او شاهي کورنۍ دپاره ستره ضایعه بلل شوې ده.
د ملکې له مړینې وروسته، د بریتانیې د شاهي قانون له مخې د هغې ۷۳ کلن زوی چارلس د تاج مستحق کیږي، خو په رسمي ډول د هغه پاچا کېدل ممکن میاشتې وخت ونیسي. دا معلومه نده چې ایا هغه به ځان ته د پاچا دریم چارلس یا کوم بل نوم غوره کړي.
ملکې الیزابیت په خپل ژوند کې ډيرې جګړې ولیدلې. هغې د شهزادګۍ په توګه خپل لومړنی خطاب د ۱۴ کلونو په عمر په ۱۹۴۰ کال کې خپور کړ. په دې خطاب کې هغې د جګړې له امله کډه شویو ماشومانو ته د خواخوږي پیغام ورکړی و.
ملکه الیزابیت په ۱۹۵۲ کال کې د خپل پلار جورج شپږم له مړینې وروسته د ۲۵ کلنۍ په عمر پر تخت کښیناسته. هغې واک ته له رسېدو وړاندې د اډینبورګ له ډیوک شهزاده فیلیپ سره واده کړی و، او له هغه څخه څلور زامن لري.
شهزاده فیلیپ په ۲۰۲۱ کال کې د ۹۹ کلونو په عمر ومړ.