سعودي عربستان په داسې حال کی خپل سفیر د سوریې نه بیرته غوښتی دی چې د سوریې په حکومت باندې د بین المللی ټولنی فشارونه زیاتیږي چې په مخالفو احتجاج کوونکو باندې حملې بندې کړي.
د سعودی عربستان باچا ، ملک عبداله نن یو بیان خپورکړی او د سوریې نه یې غوښتی دی چه نور خلک ونه وژنی. باچا عبداله وویل، دغه وضع د دین او اخلاقو خلاف ورزی ښیی.
د سعودی عربستان د باچا ددی بیان نه مخکی ، د عربی هیوادونوټولنی اوهمداشان دخلیج د همکاری شورا بیانونه خپاره کړی دی. خو تراوسه پوری زیاتره عرب رهبران غلی وو او ددی مسلی په باره کی یی څه نه ویل.
له بلی خوا د سوریی مبارزین اوولس وایی چه امنیتی قواوو، د زرهدارو موټرو په ملاتړ، نن بیا د دیرالزرو په ښار ډزی وکړی. دغه حمله د پرون راهیسی پېل شویده. د بشری حقوقو ډلی وایی لږ ترلږه ۴٢ کسه پرون په دغه ښارکی وژل شویدی.
دغه مبارزین وایی، عسکرو همدغه راز ، نن ، د عدلیب د ایالت د ماریت ال نومان په ښار باندی حمله وکړه، او خلک یی نه دغه ښارته د تلو راتلو، نه ، منع کړل.
جمهورریس بشار الاسد ، چه د خپلی پرونی حملی دفاع یی وکړه، وایی، دا یوه ملی وجیبه ده چه د هغوکسانوسره همدغسی سلوک وشی چه سړکونه او لاری بندوی او په خلکو کی دهشت اوډار اچوی. ښاغلی اسد دغه خبره، د لبنان د خارجه وزیر سره د غونډی په وخت کی کړیده.
ښاغلی اسد همدغه راز، وویل سوریه د اصلاحاتو په لاری، روانه شویده.