د لاس رسي وړ اتصالات

جلال اباد کې ځانمرګي برید کې اته تنه وژل شوي


په جلال اباد کې نننی برید د یو سیمه ایز قوماندان کور مخې ته شوی دی.
په جلال اباد کې نننی برید د یو سیمه ایز قوماندان کور مخې ته شوی دی.

امنیتي چارواکي وايي برید د جلال اباد ښار لومړۍ ناحیې کمپونو ساحه کې د دره نور ولسوالۍ د محلي پولیسو د مخکیني قوناندان شیخ اکرم د کور مخې ته شوې ده چې اته تنه پکې وژل شوي اوشپاړس نور زخمیان دي.

د ننګرهار د عامې روغتیا رئیس ډاکټر نجیب الله کامه وال امریکا غږ اشنا راډیو ته وویل چې اته مړي او شپاړس زخمیان د عامې روغتیا ریاست روغتون ته ور وړل شوي دي.

د عیني شاهدانو د وینا له مخې برید هغه مهال شوی چې ځینې لاریون کوونکي د شیخ اکرم پر پلوی له لاریون څخه د هغه کور ته ستانه شوي او تر ‌‌‌‌‌‌ډو‌‌‌‌‌‌ډۍ خوړلو وروسته هغوی له کور څخه د وتلو په حال کې و چې پياده بریدګر پرې چاودنه کړې ده.

د ننګرهار د والي ویاند عطا الله خوږیاڼي امریکا غږ ته وویل چې په پېښه کې اکثره وژل شوي او زخمیان لاریون کوونکي دي.

شیخ اکرم د دره نور ولسوالۍ کې د محلي پولیسو قوناندان و چې څه موده مخکې له دندې لرې شو او وروسته یې پر ضد او پلوی لاریونونه وشول.

تر اوسه ددغې برید مسولیت چا په غاړه نه دی اخیستی.

XS
SM
MD
LG