افغان سیاستوال خالد پښتون ادعا کوي چې روسانو، ایرانیانو، پاکستانیانو او نورو هیوادونو د طالبانو سره کومک کړی چې په افغانستان کې جګړه توده وساتي.
د افغانستان د ولسي جرګې پخوانی غړی خالد پښتون امریکاغږ سره په مرکه کې وویل چې ایران هڅه کوي د ځینو طالبانو په وسیله د افغانستان د سولې پروسه ناکامه کړي.
ښاغلی خالد دوه دورې د افغانستان د ولسی جرګې غړی پاتې شوی. هغه د امریکا غږ د خبریال سلیمان آشنا سره په مرکه کې د بندیانو د خلاصون په پروسې په تفصیل ګړیدلی او دا يي څرګنده کړې چې څوک د کومو بندیانو د خلاصون صلاحیت لري.
خالد پښتون د طالبانو د نوې ډلې د رامنځ ته کیدو یادونه کوي او وایي نوې ډله کې مختلف وسله وال مخالفین یوځای شوي او غواړي جګړې ته دوام ورکړي.