د لاس رسي وړ اتصالات

تمیم اقبال د آسیا جام سیالیو نه ووت


د تمیم اقبال مړوند مات شو او د آسیا جام د سیالیو نه ووت.

د بنګله دیش د مشهور لوبغاړي تمیم اقبال مړوند مات او د آسیا جام په سالیو کې به برخه وانخلي. د تمیم مړوند نن د سریلانکا سره د لوبې په دویم اور کې مات شو او د میدان نه ووت.

د بنګله دیش دغه کیڼ لاسی توپ وهونکي په ننۍ لوبې کې یوازې درې توپه ووهل. که څه هم چې د لوبډلې ډاکتر څو ځله راغی چې د تمیم په لاس دوا ووهي او علاج یې وکړي خو هغه نارامه ښکاریده او بلاخره یې میدان پریښود.

د آسیا جام په سیالیو کې د تمیم اقبال نه شتون د بنګله دیش د لوبډلې لپاره ښه خبر ندی ځکه چې هغه په اوس وخت کې په یو ورځنیو لوبو کې تر ټولو زیاتې منډې او سلیز لري.

د بنګله دیش لوبډلې تر اوسه د تمیم اقبال پر ځای د بل لوبغاړي راتګ ندی اعلان کړی.

د آسیا جام لومړنۍ سیالي د بنګله دیش او سریلانکا تر منځ ده. بنګله دیش د سریلانکا لوبډلې ته د ۲۶۱ منډو هدف ورکړی.

  • 16x9 Image

    عاشق الله رحیمزوی

    عاشق الله رحیمزوی د ۲۰۰۹ میلادي کال راپدیخوا د امریکا غږ د افغانستان د څانګې سره د راډیو، ویب پاڼې او  تخنیک په برخې کښې همکاري کوي. نوموړی د خبرو اترو د خپرونې تر څنګ د ځوانانو د اوونیزې خپرونې کوربه هم دی.
XS
SM
MD
LG